Tags-Hawa

kahīñ tum ko jaanā huā agar na ga.e baġhair 'nazīr' ke
vo zamāna apne 'nazīr' kā tumheñ yaad ho ki na yaad ho

huā aag paanī zamīñ āsmāñ ko
milānā milā kar banānā khilaunā

na jaane kahāñ se milā hai mujhe ye
dhaḌaktā huā ik purānā khilaunā

nāgāh jaise bichhḌā huā ham-safar mile
ġham mil gayā to dil ko baḌī tāzgī milī

kyā kahūñ be-ḳhud huā maiñ kis nigāh-e-mast se
aql ko bhī merī hastī kā adab karnā paḌā

hādse se hī huā ġham kā mudāvā mere
falsafa sabr kā logoñ ko paḌhāne baiThā

pas-e-adā-e-nazar chhup ga.ī hai tārīkī
vo be-naqāb huā avvalīñ sahar kī tarah

maiñ vo charāġh huuñ jo āñdhiyoñ meñ raushan thā
ḳhud apne ghar kī havā ne bujhā diyā hai mujhe

adū-e-dost kabhī mujh ko mo'atabar na huā
azal se apnā ye me.ār-e-dostāna rahā

zaḳhmī huā hai pāshna pā-e-sabāt kā
ne bhāgne kī guuñ na iqāmat kī taab hai

ai na.ī dost maiñ bharpūr huā huuñ terā
mere maazī ke havāloñ se pareshān na ho

kuchh pata merā nahīñ hai āshiyānoñ meñ kahīñ
gum huā huuñ chalte chalte kārvānoñ meñ kahīñ

garche hai dushvār phir bhī DhūñDhtā phirtā huuñ maiñ
ek chehra gum huā ā.īna-ḳhānoñ meñ kahīñ

jo tez dhuup meñ sāyoñ kī fasl bote haiñ
yahāñ kī aab o havā kā unheñ pata hogā

net ījād huā hijr ke māroñ ke liye
search engine hai baḌī chiiz kuñvāroñ ke liye

āshiqoñ kā ye nayā taur nayā Type hai
pahle chilman huā kartī thī ab skype hai

afsurda dil ho dar dar-e-rahmat nahīñ hai band
kis din khulā huā dar-e-pīr-e-muġhāñ nahīñ

mahkā huā hai bait-e-huzan dekhnā koī
aayā nasīm-e-misr kā ho kārvāñ nahīñ

kyuuñ har taraf tū ḳhvār huā ehtisāb kar
nārāz kyuuñ hai tujh se ḳhudā ehtisāb kar

vo ḳhud hī apnī aag meñ jal kar fanā huā
jis saa.e kī talāsh meñ ye āftāb hai