Tags-Hawa

havā chalī havā chalī
ghane tavīl jañgaloñ ko niiñd se jagā chalī

ho mubārak tumheñ rindo ki ba-tā.īd-e-ḳhudā
koī chhalkātā huā shīsha-o-jām aayā hai

kuchh vaqt zarā aur nahar duudh kī legī
farhād ko tesha nahīñ manzūr huā hai

sapnoñ meñ ho gayā hai saverā kahīñ mujhe
baiThā huā huuñ jaise kisī lāla-zār meñ

azāb-e-dīd meñ āñkheñ lahū lahū kar ke
maiñ sharmsār huā terī justujū kar ke

masāfat-e-shab-e-hijrāñ ke ba.ad bhed khulā
havā dukhī hai charāġhoñ kī aabrū kar ke

zamīñ kī pyaas usī ke lahū ko chaaT ga.ī
vo ḳhush huā thā samundar ko aabjū kar ke

koī to habs-e-havā se ye pūchhtā 'mohsin'
milā hai kyā use kaliyoñ ko be-numū kar ke

ek arsa huā jo na hañs ke mile
hañstī tasvīr un kī purānī milī

nishāñ kuchh aap bhī kar deñ huā dafn aap kā majnūñ
pa.e tārīḳh rehlat kījiye tadbīr patthar kī

ragoñ meñ merī peshānī kī josh-e-ḳhūñ huā paidā
hikāyat likh chukā jab kātib-e-taqdīr patthar kī

us kī āñkheñ bhī hasīñ aañkh meñ aañsū bhī hasīñ
ġham meñ Duubā huā chehra bhī ġhazal jaisā thā

aisī bhī is havā meñ hai ik kāfirī kī rau
bujh bujh ga.e haiñ shola-e-īmān-o-dīñ bahut

aisī havā meñ ghar se nikalne kī jā na thī
varna tamām baat kā aatā yaqīñ bahut

kartā hai uzr-e-jaur-o-jafā yaar tū abas
honā jo thā huā vo hameñ yaad bhī nahīñ

kushta huā huuñ abrū-e-ḳhamdār-e-yār kā
mere liye zarūrat-e-jallād bhī nahīñ

zarā kuchh shakl ban jaa.e to yuuñ karnā
havā ke haath meñ dene se pahle

huā nazzāra-e-shikam na nasīb
'sehr' har-chand ham ne maarā peT

'faiz' kyā jāniye yaar kis aas par muntazir haiñ ki lā.egā koī ḳhabar
mai-kashoñ par huā mohtasib mehrbāñ dil-figāroñ pe qātil ko pyaar aa gayā

huā na qaid-e-zamān-o-makāñ se maiñ āzād
zamīñ se duur magar zer-e-āsmān rahā