Tags-Hawa

ba.ad muddat ke ye huā ma.alūm
jo hai ma.alūm vo hai nā-ma.alūm

justajū-e-hazār ke bā-vasf
kuchh huā kuchh nahīñ huā ma.alūm

chār-sū phailā huā kār-e-jahāñ rahne diyā
ruk ga.e ham aur har shai ko ravāñ rahne diyā

apne gumbad meñ kahāñ se aa.egī taaza havā
ik darīcha bhī khulā ham ne kahāñ rahne diyā

tārum-e-tāk se lahū Tapkā
sañg-bārāñ huā hai miinā par

'mīr' kyā baat us ke hoñToñ kī
jiinā dūbhar huā masīhā par

sub.h chaman meñ us ko kahīñ taklīf-e-havā le aa.ī thī
ruḳh se gul ko mol liyā qāmat se sarv ġhulām kiyā

apnī chaar dīvārī se na jā sakeñ bāhar
haal ye huā apnī be-asar duāoñ kā

ḳhulūs idhar bhī ho aur udhar bhī to dil se phir dil judā nahīñ hai
maiñ un ko chāhūñ vo mujh se rūTheñ kabhī to aisā huā nahīñ hai

gul-o-shajar par hai murdanī sī fazā pe chhāyā huā hai mātam
ye tujh ko kyā ho gayā hai bulbul jo aaj naġhma-sarā nahīñ hai

shaffāf rāstoñ se to lipTī huī hai dhuñd
chhāyā huā dhuāñ hai fazāoñ meñ in dinoñ

'āqib' bujhā bujhā sā tū lagtā hai gar to kyā
sūraj chhupā huā hai ghaTāoñ meñ in dinoñ

harf
goyā.ī kī zanjīr meñ jab qaid huā

iqrār thā sahar kā aisā huā sabab kyā
jo shaam hone aa.ī aur vo na aayā ab tak

kahnā na maanā kūcha-e-qātil meñ rah gayā
achchhā huā jo dil kisī mushkil meñ rah gayā

sau haath uThe karb kī ḳhushbū ko churāne
kyā zaḳhm lagā.e haiñ mire tan pe havā ne

āñkhoñ ke jharokoñ se kise DhūñD rahe ho
har naqsh miTā Daalā hai sahrā kī havā ne

tujhe ḳhabar bhī hai o shoḳh kyā qayāmat hai
sharāb-o-sher meñ Duubā huā shabāb tirā

mahfil meñ shor-e-qulqul-e-mīnā-e-mul huā
lā sāqiyā pyāla ki tauba kā qul huā

jin kī nazar chaḌhā tirā ruḳhsār-e-ātishīñ
un kā charāġh-e-gor na tā-hashr gul huā