Tags-Hawa

tarāne guuñj uThe haiñ fazā meñ shādyānoñ ke
huā hai itr-āgīñ zarra zarra muskurātā hai

kaun kahtā hai ki marnā mirā achchhā na huā
fikr darmāñ na huī rañj mudāvā na huā

vaah is naale pe aur itnī adū ko nāzish
bazm meñ aur to kyā hashr bhī barpā na huā

sair-e-gulshan se rahe shaad va-lekin afsos
ab ke ma.alūm kuchh ahvāl qafas kā na huā

so ga.e sunte hī sunte vo dil-e-zār kā haal
jab ko ham samjhe the afsūñ vahī afsāna huā

rabt kuchh dāġh-o-jigar kā to hai chaspāñ 'āshiq'
varna is daur meñ koī bhī kisī kā na huā

ujḌe hue logoñ se gurezāñ na huā kar
hālāt kī qabroñ ke ye katbe bhī paḌhā kar

kyā jāniye kyuuñ tez havā soch meñ gum hai
ḳhvābīda parindoñ ko daraḳhtoñ se uḌā kar

havā kī zad pe jaise sham.a kī lau
maiñ apne hausloñ kā imtihāñ huuñ

vo bādal thā havā kā ham-safar thā
maiñ tishna-kām fasl-e-rā.igāñ huuñ

huā dīdār marte vaqt hamdam
tirā 'pūnam' ḳhasāra jā rahā hai

ba.ad-e-fanā bhī saaf nahīñ dil raqīb se
gumbad khaḌā huā hai lahad par ġhubār kā

regzār-e-zīst meñ soz-e-safar jaatā rahā
yuuñ huā mahsūs jaise aable patthar ke the

kohsār ke dāman meñ havā tez bahut hai
par ye ki mirā dost kam-āmez bahut hai

ek arsa huā ga.e us ko
ab to us kā patā nahīñ huuñ maiñ

kalyugī soch se huuñ pardūshit
koī taaza havā nahīñ huuñ maiñ

zahmateñ yaksāñ makān-o-lā-makāñ se kyā huā
kyā ḳhalāoñ se pare bhī āsmāñ hotā nahīñ

tū ki vo tez havā jis kī tamannā be-sūd
maiñ ki vo ḳhaak jise ḳhud hī bikhar jaanā thā

kaisī lahar hai sard havā kī saare ThiThure baiThe haiñ
kal tak to bas ham chup chup the aaj ḳhamoshī aam huī

ye shirk afyūn ban ke ḳhuuñ meñ ghulā huā hai
hujūm-e-manzil meñ ab safar kī shanāḳht