Tags-Hawa

ishq kyuuñ rusvā huā apnā sar-e-rāhe gaahe
aa isī tarah jo mil jā.iye gaahe gaahe

'barq'-e-ġham-dīda tirā mustahiq-e-lutf huā
sunte haiñ arsh ko jā letī hai aahe gaahe

parvāz kī umañg na kunj-e-qafas kā rañj
fitrat mirī badal ga.ī āb-o-havā ke saath

kyā pattharoñ ke shahr meñ dūkān-e-shīsha-gar
ik sham.a jal rahī hai ġhazab kī havā ke saath

bas ab tamām huā intizār qāsid kā
ki zindagī kī taraf se hameñ javāb aayā

ġhazab thī bazm meñ saaqī kī tarz-e-mastāna
bharā huā na koī sāġhar-e-sharāb aayā

āḳhir 'zafar' huā huuñ manzar se ḳhud hī ġhā.eb
uslūb-e-ḳhās apnā maiñ aam karte karte

mizāj apnā milā hī nahīñ zamāne se
na maiñ huā kabhī is kā na ye zamāna mirā

maiñ huuñ dar par us ke paḌā huā mujhe aur chāhiye kyā bhalā
mujhe be-parī kā ho kyā galā mirī be-parī par-o-bāl hai

galī meñ kheltā huā milā thā apnā bachpanā
jise maiñ hasratoñ bharā salām kar ke aa gayā

lahad pe chal ke havā gar bujhātī hai to bujhā.e
tumhārā ho chukā ehsāñ ki ḳhud jalā.e charāġh

dil udhar maa.il huā hī thā ki vahshat baḌh ga.ī
us kī chāhat ko zarā ātish-ba-jāñ hone to do

kyūñkar huā hai faash zamāne pe kyā kaheñ
vo rāz-e-dil jo kah na sake rāz-dāñ se ham

kyā kyā huā hai ham se junūñ meñ na pūchhiye
uljhe kabhī zamīñ se kabhī āsmāñ se ham

jaane meñ kaun se patjhaḌ meñ huā thā barbād
girte pattoñ kī ik āvāz hai har jā mujh meñ

diloñ pe chhāne lagā dhaḌkanoñ kī jaan huā
jab ek umr guzārī to maiñ javān huā

jo boltā thā to mujh se shikāyateñ thī bahut
maiñ chup huā to use ḳhauf kā gumān huā

safar kā hauslā rakhtā hai uḌ bhī saktā hai
ye aur baat parinda lahūluhān huā

yahī sabab hai ki har dil meñ jā ke bastā hai
makān jis ne banā.e vo lā-makān huā

koī to hai jo himāyat meñ haq kī niklā hai
ḳhudā kā shukr ki koī to ham-zabān huā