Tags-Hawa

pahroñ hī misra.a-e-saudā hai rulātā 'ātish'
tujhe ai dīda-e-giryāñ na huā thā so huā

aañkh bechain tirī ek jhalak kī ḳhātir
dil huā jaatā hai betāb machalne ke liye

kisī tarīq se taaza havā giraft meñ lā
kisī sabīl se apnā dimāġh raushan kar

zindagī ham tire kūche meñ chale aa.e to haiñ
tere kūche kī havā ham se ḳhafā lagtī hai

shāḳh-e-zaitūn par kam-suḳhan fāḳhtāoñ ke itne basere ujāḌe ga.e
aur havā chup rahī

ye hādisa hai magar us taraf huā bhī nahīñ
judā huā bhī to us se jo jāntā bhī nahīñ

nigah kā ghar se nikalnā thā jurm pahle hī
aur ab ye hukm huā hai ki sochnā bhī nahīñ

maiñ marne ke liye paidā nahīñ huā
mujh par kisī qism kā hamla

ik tajassus dil meñ hai ye kyā huā kaise huā
jo kabhī apnā na thā vo ġhair kā kaise huā

purāne ḳhvāboñ se reza reza badan huā hai
ye chāhtā huuñ ki ab nayā koī ḳhvāb dekhūñ

jo mohabbat kā na gur aap ne jaanā sāhab
phir to dushvār huā paḌhnā paḌhānā sāhab

sar pe DanDe paḌeñ hargiz na ye uftād aa.e
tālib-e-ilm na kartā huā fariyād aa.e

kaash bhūlā huā shafqat kā sabaq yaad aa.e
baap ke ruup meñ schōl meñ ustād aa.e

dast-e-shafqat kaTā aur havā meñ muallaq huā
aañkh jhapkī to palkoñ pe Thahrī huī ḳhvāhisheñ dhuul meñ aT ga.iiñ

maiñ havā huuñ kahāñ vatan merā
dasht merā na ye chaman merā

maiñ ki TuuTā huā sitāra huuñ
kyā bigāḌegī anjuman merā

use meñ DhūñDhtā thā raat kī gahrī ḳhamoshī meñ
na jaane kis tarah phir shahr meñ merā huā charchā

aisā ilāj-e-habs-e-dil-e-zār chāhiye
ik dar fasīl-e-jāñ meñ havā-dār chāhiye

sahrā kaf-e-tamavvuj-e-dariyā meñ ho asiir
sho.ala havā se bar-sar-e-paikār chāhiye

sahar ke vaqt huā faisla nikalne kā
qadam baḌhāne se pahle diye baḌhā.e ga.e