Tags-Hawa

kahne se huā gahrā kuchh aur ġham-e-pinhāñ
maiñ saa.e se kahtā huuñ hamdam se nahīñ kahtā

tire ḳhayāl pe shab-ḳhūñ to ḳhair kyā karte
bahut huā to ik ochhā sā haat maar aa.e

rā.egāñ sab kuchh huā kaisī basīrat kyā hunar
gard gard apnī basīrat ḳhaak ḳhaak apnā hunar

jis taraf dekho hujūm-e-chehra-e-be-chehragāñ
kis ghane jañgal meñ yaaro gum huā sab kā hunar

toḌ kar is ko bhī ab koī havā le jā.egī
ye jo barg-e-sabz ke mānind hai merā hunar

kāġhaz pe thā likhā huā har harf-e-lab-kushā
tahrīr jism-e-saut-o-sadā kī thī kuchh dinoñ

sard paanī kī zabāñ chāTtī rahtī hai mujhe
kohar meñ Duubā huā koī jazīra huuñ maiñ

taḳhlīq na sambhalī to bane log muhaqqiq
ġhālib kā huā haal ye kyā dekh rahā huuñ

der se Thahrā huā thā taash ke mīnār sā
ek pattā phir achānak hil gayā to kyā kahūñ

tū kis liye nārāz huā ahl-e-vafā se
duniyā to hamesha se hai barham use kahnā

kāsa-e-dard liye phirtī hai gulshan kī havā
mere dāman meñ tire pyaar kī ḳhushbū bhī nahīñ

ḳhushbū ko rañgtoñ pe ubhartā huā bhī dekh
naqsh-e-zar-e-bahār chamaktā huā bhī dekh

rakh ke madār-e-shauq kisī āftāb par
tū sañg-e-intizār pighaltā huā bhī dekh

āñkhoñ ke gird jhāñkte halqe na dekh tū
sail-e-ḳhajista-ḳhū ko utartā huā bhī dekh

be-faiz dasht-e-dard meñ āhistagī ke saath
āhū-sarisht logoñ ko chaltā huā bhī dekh

rañg-e-hinā ko naqsh-e-qadam se judā bhī kar
sahrā meñ raḳhsh-e-shauq ko girtā huā bhī bhī dekh

mahsūs kar chhalakte hue shauq kī jalan
yaḳh chāñdnī meñ jism ko jaltā huā bhī dekh

har chiiz de ke jaatī hai apnī nishāniyāñ
har gul meñ rañg-e-sub.h jhalaktā huā bhī dekh

'nāhīd' chīra-e-dastī-e-yārāñ aziiz rakh
mauqe ke saath un ko badaltā huā bhī dekh

ye tafā.ut-e-sanam-o-haram hai tabhī ki jab bhī nasha ho kam
jo bhī ġharq-e-bāda-e-haq huā ġham-e-īn-o-āñ se guzar gayā