Tags-Hawa

jalva-e-hilla-e-jannat se ye ḳhud-rafta huā
maiñ ne kin hāthoñ se pahnā thā kafan yaad nahīñ

fikr ke saare dhāge TuuTe zehn bhī ab ma.azūr huā
ab ke bahār ye kaisī aa.ī kaisā ye dastūr huā

kal-purzoñ kā rūh-e-ravāñ ye aur vo sarmā.e kī joñk
lekin us kī nazroñ meñ ye dhartī kā nāsūr huā

din kī safedī terī nazar meñ raat kī kaalī chādar hai
raat kā ḳhūnī añdhiyārā bhī terī nazar meñ nuur huā

jab se dekhā hai khetoñ meñ maiñ ne zālim dhuup kā ruup
tab se terī zulf kā saaya duur bahut hī duur huā

zulm ko us ne zulm kahā hai jabr ko us ne jabr kahā
ya.anī 'ziyā' ab 'ziyā' nahīñ hai vaqt kā vo mansūr huā

likhā hai mirā naam samundar pe havā ne
aur donoñ kī fitrat meñ sukūñ hai na vafā hai

har mauj-e-havā tez fazā tā-ba-ufuq tañg
dil zarra-e-sahrā hai bagūloñ meñ ghirā hai

husn ġhamze se chhuTā ishq farāmosh huā
aise hālāt meñ kyā sher bhī sachchā na kahūñ

kyā yaad kar ke ro.uuñ ki kaisā shabāb thā
kuchh bhī na thā havā thī kahānī thī ḳhvāb thā

ab itr bhī malo to takalluf kī bū kahāñ
vo din havā hue jo pasīna gulāb thā

tilism-ḳhāna-e-asbāb mere sāmne thā
mirā hī dekhā huā ḳhvāb mere sāmne thā

musāfiroñ kā kyā huā ai nāḳhudā tū hī batā
bhañvar kī zad meñ kaun thā nadī ke paar kaun thā

maiñ bhī ban jā.ūñgā phir sahar-e-havā se kashtī
raat aa jaa.e to phir tum bhī samundar honā

vo mirā gard kī mānind havā meñ uḌnā
phir usī gard se paidā mirā lashkar honā

dar-ba-dar Thokareñ khā.īñ to ye mālūm huā
ghar kise kahte haiñ kyā chiiz hai be-ghar honā

tasvīr meñ jhukā hai nadī par kadam kā peḌ
paanī meñ pairtā huā but be-libās hai

vahī shaḳhs lā-ubālī huā munkir-e-haqīqat
jise chilmanoñ kī sāzish se milī thī bad-gumānī

fitrat ne atā kī hai be-shak mujh ko bhī kuchh aqal-e-salīm
kaun ḳhalal-andāz huā hai merī har dānā.ī meñ

apne the begāne the aur āḳhir meñ ḳhud merī zaat
kis kis kā ikrām huā hai kitnā mirī rusvā.ī meñ