Tags-Hawa

faqīr-e-ishq haiñ apnā koī Thikānā hai kyā
havā meñ uḌte rahe pāniyoñ par chalte rahe

ham ahl-e-dil ne chhuā tak nahīñ kabhī koī phuul
havā-parast magar toḌte masalte rahe

kuchh ik burā.iyāñ mujh meñ azal se Thahrī haiñ
kuchh is zamāne meñ aa kar burā huā huuñ maiñ

ma.alūm huā jab ki rahā kuchh bhī na dil meñ
bas ek nazar qīmat-e-duniyā-e-danī hai

yahī bekasī thī tamām shab usī bekasī meñ sahar huī
na kabhī chaman meñ guzar huā na kabhī guloñ meñ basar huī

barsoñ darūn-e-sīna sulagnā hai phir hameñ
lagtā hai qufl-e-habs havā ke makān par

havā badal ga.ī us bevafā ke hone se
vagarna ḳhalq to ḳhush thī ḳhudā ke hone se

ye shola dil se alag ho ke bhī nikal aayā
kuchh aag phail ga.ī hai havā ke hone se

hamārī kashtī-e-tauba kā ye huā anjām
bahār aate hī ġharq-e-sharāb ho ke rahī

nishān-e-pā-e-adū ne maarā ki tere dar par nahīñ gavārā
jhuke jo sajde ko sar hamārā miTā.eñ likkhā huā jabīñ kā

aap kī āñkhoñ kā taara aur hai
kyā huā merā sahārā aur hai

Duubā huā uThūñ dam-e-mahshar sharāb meñ
de deñ kafan jo yaar Dubo kar sharāb meñ

ham roz hī dafnāte haiñ bujhtā huā sūraj
phir DhūñDne jaate haiñ sahārā sī koī shaam

ḳhāk-e-dehlī kī zarā sair to kar
ki ajab āb-o-havā rakhtī hai

ab bhī elān-e-sahar kartā huā mast koī
dāġh-e-dil kar ke farozāñ sar-e-shām aatā hai

'munīr' ahd hai ab āḳhir-e-masāfat kā
ki chal rahī hai havā bād-e-vāpsīñ kī tarah

maut aa.ī mujhe kūche meñ tire jaane se
niiñd aa hī ga.ī jannat kī havā khāne se

garebāñ phāḌte haiñ dekh ḳhūbān-e-chaman kyuuñ kar
na kiije chaak nāseh is havā meñ pairahan kyuuñ kar

huā jaatā huuñ gaz saaya pe paḌtī hai nazar merī
terī saj dekh kar ahbāb jiite haiñ sajan kyuuñ kar

na.ī havā meñ koī rañg-e-kā.enāt meñ gum
huā hai saarā zamāna tasannuāt meñ gum