yuuñ bahār aa.ī hai is baar ki jaise qāsid
kūcha-e-yār se be-nail-e-marām aatā hai
har koī shahr meñ phirtā hai salāmat-dāman
riñd mai-ḳhāne se shā.ista-ḳhirām aatā hai
havas-e-mutrib-o-sāqī meñ pareshāñ akasr
abr aatā hai kabhī māh-e-tamām aatā hai
shauq vāloñ kī hazīñ mahfil-e-shab meñ ab bhī
āmad-e-sub.h kī sūrat tirā naam aatā hai
ab bhī elān-e-sahar kartā huā mast koī
dāġh-e-dil kar ke farozāñ sar-e-shām aatā hai