Tags-Hawa

ye to chaltī nahīñ p-m kī ijāzat ke baġhair
is ko aivān-e-sadārat kī havā kahte haiñ

merī baarī pe hukūmat hī badal jaatī hai
ab vazārat ko ġhubāre kī havā kahte haiñ

payām le ke havā duur tak nahīñ jaatī
navā-e-ḳhalq-e-ḳhudā duur tak nahīñ jaatī

ajiib ḳhauf kā mausam hai in dinoñ 'imrran'
sugandh le ke havā duur tak nahīñ jaatī

na dil lagā ke huā mujh se ishq meñ parhez
bigaḌ gayā jo kisī ne kahā davā ke liye

kahāñ bashārat-e-fasl-e-bahār laa.ī thī
havā to baaġh kī izzat utaar laa.ī thī

sadā na phir mire be-jān jism se niklī
havā to us ko guphā tak pukār laa.ī thī

faqat kirdār kā maarā huā hai har bashar varna
koī insān achchhā yā burā kuchh bhī nahīñ hotā

na jaane shor uThā kar kahāñ se laa.ī hai
havā ne aaj dikhā.e haiñ mere kaan bahut

ek umr bhar meñ tai ye safar muḳhtasar huā
shahr-e-ḳhamoshāñ ghar se bahut duur to na thā

nasīb us ke sharāb-e-bahisht hove mudām
huā hai jo koī mūjid sharāb-ḳhāne kā

kalima paḌhtā huā qabr meñ utrā huuñ maiñ
mere maz.hab ko nakīrain ne samjhā kyā hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ek muddat huī us ko ro.e hue ek arsa huā muskurā.e hue
zabt-e-ġham kā ab aur us se va.ada na ho varna bīmār kā dam nikal jā.egā

terī jafā huī ki jahāñ kā ġhazab huā
ham par to jo sitam bhī huā be-sabab huā

is sā.at-e-sa.īd ko kyā naam dījiye
insāñ asīr-e-vaqt ke zindāñ meñ jab huā

sho.ala-sifat haiñ raqs meñ apne chaman ke phuul
is ālam-e-bahār meñ ye kyā ġhazab huā

shāyad yahī mazāq-e-talab kī hai intihā
duniyā-e-rañg-o-bū meñ bhī dil be-talab huā

munsif ko maslahat kī zabāñ raas aa ga.ī
go faisla huā magar insāf kab huā

us ko nasīb ho na sakā rishta-e-ḳhulūs
jo qā.il-e-qaziya-e-hasab-o-nasab huā