Tags-Hawa

'farruḳh' havā hai tez qadam ko jamā ke rakh
varna ye pheñk degī tujhe bhī ukhāḌ kar

havā hai dhund hai aur tez bārish
pahāḌī hai zarā sā rāsta hai

kisī ko ishq meñ bhī ab junūñ se vāsta nahīñ
ye kyā huā ki saare dil dimāġh ban ke rah ga.e

jinheñ ye zo.am thā zamīñ se tishnagī miTā.eñge
ajab huā vahī tahī-ayāġh ban ke rah ga.e

lagā huā hai ye dhaḌkā ki bujh na jaa.e kahīñ
havā meñ sham-e-mohabbat jalī hai mushkil se

haivān-sifat huā hai āḳhir
dikhlāyā kamāl aadmī ne

ye hosh-o-aql-o-ḳhirad kī ḳhāmī pe hirs-e-rahbar kī tishna-kāmī
ki jis ko sairāb karte karte huā hai aksar kuaañ bhī aajiz

phuul bikhrātī har ik mauj-e-havā aatī hai
aap aate haiñ ki gulshan meñ sabā aatī hai

kuchh is tarah tirī ulfat meñ kaaT dī maiñ ne
gunāhgār huā aur na pāk-bāz rahā

kyā jāniye kyā soch ke afsurda huā dil
maiñ ne to koī baat purānī nahīñ likkhī

hai shaam udaas aziyyat duā namāz aur ishq
hai dasht chāñd havā maiñ ḳhudā namāz aur ishq

tere kūche kī havā pūchhe hai ab ham se
naam kyā hai kyā nasab hai ham kahāñ ke haiñ

mirā safīna ajab kashmakash meñ tairtā thā
havā sukūt meñ thī bādbān se uupar

vo mohabbat hī mohabbat hai ye irfāñ bhī huā
us kā maskan to diloñ meñ hai chaTānoñ meñ nahīñ

hai zindagī bhī TuuTā huā aa.ina to kyā
tum bhī ba-tarz-e-shīsha-garāñ bolte raho

manzil pe aa ke 'shād' ajab hādisa huā
maiñ ham-safar ko bhuul gayā ham-safar mujhe

na mujh pe lutf-e-sahar huā hai na mujh pe vā koī dar huā hai
na maiñ ne dekhī hai rut suhānī na mujh pe abr-e-bahār chhāyā

dukh navishta hai to āñdhī ko likhā āhista
ai ḳhudā ab ke chale zard havā āhista āhista

TūTne aur bikharne kā koī mausam ho
phuul kī ek duā mauj-e-havā āhista

mirī chāhat meñ bhī ab soch kā rañg aane lagā
aur tirā pyaar bhī shiddat meñ huā āhista