Tags-Hawa

ishq huā nahīñ mujhe ishq ko ho gayā huuñ maiñ
utnā nahīñ bachā huā jitnā paḌā huā huuñ maiñ

na huā aur na hogā abr kabhī
dīda-e-ashk-bār kī mānind

jab chhoḌ dī umiid to vo mehrbāñ hue
nākāmiyoñ meñ baḳht huā kāmyāb kab

ālām-o-masā.ib kā chaḌhtā huā dariyā hai
ai josh-e-tavānā.ī ai josh-e-tavānā.ī

havā charāġh bujhāne lagī to ham ne bhī
diye kī lau kī jagah terā intizār rakhā

lauT bhī aayā to sadiyoñ kī thakan lā.egā
sub.h kā bhūlā huā shaam ko ghar aane tak

tum apne ghar ke añdhere meñ kyā dekhte ho dīvāroñ ko
ye sham.a kī sūrat jalnā kyā aa.egī havā bujh jāoge

ab to rusvā.ī kī had meñ hai merī tishna-labī
ab to hoñThoñ pe dahaktā huā sho.ala rakh do

niiñd sī aane lagī zulf ke saa.e meñ mujhe
phir mire ḳhvāboñ pe taptā huā sahrā rakh do

mere afsāne ko phir moḌ nayā sā de do
aur unvān sulagtā huā lamha rakh do

aaj pahle-pahal tajraba ye huā iid hotī hai aisī ḳhabar hī na thī
chāñd ko dekhne ghar se jab maiñ chalī dūsrā chāñd mere qarīb aa gayā

kisū ke baal darham dekhte 'mīr'
huā hai kām-e-dil barham hamārā

umr bhar Doltī yādoñ kī ziyā se khele
sham-e-ummīd liye tez havā se khele

silsila jalte charāġhoñ kā chalo ḳhatm huā
tīrgī ḳhush hai havāoñ ko bhī rāhat hogī

sar-rishta-e-ḳhayāl huā jā rahā hai gum
kuchh aisī uljhanoñ meñ musalmāñ hai āj-kal

ga.e the ham bhī in āñkhoñ se māñgne kyā kyā
vahī huā ki bas ik iztirāb le aa.e

mire nasheman meñ shān-e-qudrat ke saare asbāb haiñ muhayyā
havā safā.ī pe hai muqarrar charāġh bijlī jalā rahī hai

na us ke dāman se maiñ hī uljhā na mere dāman se ye hī aTkī
havā se merā bigāḌ kyā hai jo sham-e-turbat bujhā rahī hai

apnī havā meñ yuuñ phirtā thā jaise bagūla sahrā meñ
ham ne jab dekhā to ajab thā haal tire saudā.ī kā

ab ke junūñ huā to garebāñ ko phaaḌ kar
duniyā ko chhoḌ jā.ūñgā dāman ko jhaaḌ kar