Tags-Hawa

ham barsoñ ke ba.ad bhī us ko ab tak bhuul na paa.e
dil se us kā rishta kyā hai ab ma.alūm huā

sahrā sahrā pyāse bhaTke saarī umr jale
bādal kā ik TukḌā kyā hai ab mālūm huā

to sazā-vār-e-sazā kis kā huā hai 'hātim'
sāhib-e-man maiñ gunahgār huuñ kin kā in kā

hisār-e-jism se ghabrā ke jab nikle parinde
havā kī zad meñ aa kar der tak chīḳhe parinde

payām laatī hai auj-e-firāq kā mujh tak
havā jo mil ke mire mehrbāñ se aatī hai

havā bahār kī aa.egī aur maiñ chūmūñgā
vo saare phuul ki jin meñ tirī shabāhat hai

huuñ ki jab tak hai kisī ne mo'tabar rakkhā huā
varna vo hai bāñdh kar raḳht-e-safar rakkhā huā

mujh ko mere sab shahīdoñ ke taqaddus kī qasam
ek ta.ana hai mujhe shānoñ pe sar rakkhā huā

mere bojhal paañv ghuñghrū bāñdh kar halke hue
sochne se kyā nikaltā dil meñ Dar rakkhā huā

ik na.ī manzil kī dhun meñ daf.atan sarkā liyā
us ne apnā paañv mere paañv par rakkhā huā

tū hī duniyā ko samajh parvarda-e-duniyā hai tū
maiñ yūñhī achchhā huuñ sab se be-ḳhabar rakkhā huā

maiñ kyā gayā ki huā ḳhushk chashma-e-mahtāb
abhī to pahlā qadam āsmāñ pe rakkhā thā

natīja koshish-e-paiham kā yuuñ huā ulTā
maiñ āsmān pe mauj-e-sarāb chhoḌ gayā

us ke jaane pe ye ehsās huā hai 'shāhid'
vo jazīra thā mirā dukh se bhare paanī meñ

maraz ik jahāñ se nirālā thā mirī jaan tere marīz kā
na huā kisī se ilaaj jab ajal us kī karne davā ga.ī

ye bahār hovegī sab ḳhizāñ na saman na laala na arġhavāñ
dam-e-garm kī mire dostāñ kabhū baaġh meñ jo havā ga.ī

maiñ huā ba-ḳhāk-e-siyah-faro tire kūche meñ ba-sad-ārzū
rahā sharmgīñ hī hamesha tū tirī ab talak na hayā ga.ī

hamāre ahd ke logoñ ko kyā huā yaaro
vo jī rahe haiñ magar ret kā sarāb liye

'jāmid' mirā vajūd hai malba banā huā
ik ḳhauf sar uThātā hai dīvār dekh kar

purānā ḳhushk pattā kah rahā thā
havā meñ tez-raftārī bahut hai