Tags-Hawa

mere anjām pe hañsne kī tamannā na karo
kam hī badlegī gulistāñ kī havā mere ba.ad

ḳhatm afsāna huā baat samajh meñ aa.ī
saarī duniyā ne mujhe jaan liyā mere ba.ad

is zamīñ meñ vo koī aur ġhazal bhī kahtā
lekin afsos ki 'ġhālib' na huā mere ba.ad

chaav jo dil meñ bhare haiñ pyāre
tujh se kahtā huā sharmātā huuñ

kyā kyā nuqūsh ham ne ubhāre the ret par
baaqī rahā na koī bhī vahshī havā ke ba.ad

yādeñ khule kivāḌ ye mahkī huī fazā
kaun aa rahā hai shaam ye ThanDī havā ke ba.ad

ye nā-umīdī kī intihā hai ki āgahī kī hai koī manzil
ye dil ko kyā āriza huā hai ise kisī se gila nahīñ hai

ye shaam itnī ujaaḌ kyuuñ hai nayā koī hādisa huā hai
ye ḳhuuñ kī surḳhī shafaq ke rañgoñ meñ ghul ga.ī be-vajah nahīñ hai

na.e Dhab kā kuchh josh-e-saudā huā hai
ḳhudā jaane ab ke mujhe kyā huā hai

ta.alluq un āñkhoñ se paidā huā hai
bahut din kā ye ḳhvāb dekhā huā hai

na aalam meñ tujh sā na mujh sā jahāñ meñ
na aisā huā hai na vaisā huā hai

na le qais aage mire nām-e-vahshat
abhī kal kī hai baat paidā huā hai

phir uThtā hai dūd-e-mohabbat jigar se
vahī haal aglā sā merā huā hai

ye ghar-bār hai dīda-e-ashk-za se
mirā dāman āġhosh-e-dariyā huā hai

vo vādī-e-aiman pe mauqūf kyā hai
hamārā har ik dasht dekhā huā hai

zarā dam to lene de ai chashm-e-jādū
baḌī muddatoñ meñ dil achchhā huā hai

kahā maiñ ne tanhā.ī hai baat sun lo
kahā hañs ke tum ko to saudā huā hai

taraqqī pe hai naujavānī tumhārī
abhī kyā huā hai abhī kyā huā hai

hijāb-e-nazar se khule bhed dil ke
abas ham se zāhir meñ pardā huā hai

hamārī tumhārī to haiñ dil kī bāteñ
na maano agar us kā charchā huā hai