Tags-Hawa

kisī ke rabt-o-ta.ashshuq pe itnā naaz na kar
hinā kā rañg hai do roz meñ havā hogā

javān hotā to pāgal havā se laḌtā bhī
daraḳht thā vo purānā ukhaḌ gayā hogā

ye ḳhisht ḳhisht bikhartā huā khañDar 'sābir'
kabhī na jaane ye kis kā mahal-sarā hogā

aa jā.egā 'naved' vo ik roz raah par
achchhā hai apnī raah se bhaTkā huā to hai

ibādat ke lākhoñ tarīqe haiñ lekin
huā ne koī zindagī se bhī aage

huā saaf dil to ye āvāz aa.ī
gayā 'shauq' ab rāstī se bhī aage

būñdiyāñ barsīñ havā ke bādbāñ bhī khul ga.e
niile piile pairahan saḌkoñ pe lahrāne lage

dil ke gird hisār khiñchā to us kā milnā muhāl huā
chāroñ khūñT āvāra phire jab paañv bhī apne TuuT ga.e

bhaḌke hai dil kī ātish tujh neh kī havā suuñ
sho.ala namat jalā dil tujh husn-e-sho.ala-zā suuñ

jab pahle-pahal ehsās huā hai ġham kā to dil aisā kāñpā
jaise ki dulhan pahlī shab kī aahaT jo mile tharrā jaa.e

jalāyā tuur ko ik dam meñ sā.iqa ban kar
sharar-fishāñ jo huā sañg-e-āstāna-e-ishq

chaḌhā jo daar pe āshiq kā sar huā sardār
judā hai ḳhāna-e-ālam se kārḳhāna-e-ishq

āsār-e-ishq āñkhoñ se hone lage ayaañ
bedārī kī taraqqī huī ḳhvāb kam huā

huā visāl se shauq-e-dil-e-harīs ziyāda
lab-e-qadah pe kaf-e-bāda josh-e-tishna-labī hai

vo dhuup hai ki havā phuul hai ki shabnam hai
kabhī to dekh use sāhib-e-nazar kī tarah

maiñ jo bīmār huā us ne ayādat kī hai
ḳhū-e-rahmat bhī usī qātil-e-saffāk meñ hai

ai bād-e-sabā mauj-e-pareshāñ na huā kar
tū duur kahāñ thī ki mire paas na aa.ī

ye kyā huā hai raat ko kyūñkar niDhāl hai
merī hī tarah chāñd falak par niDhāl hai

bāhar nikal ke dekh tirī aarzū meñ koī
kab se paḌā huā tire dar par niDhāl hai

tasvīr-e-ġhazal meñ se jhalaktā huā 'aslam'
ye shahr-e-suḳhan hai ki ḳhurāfāt kā jañgal