Tags-Hawa

mushkil āsān huī jaatī hai
kyuuñ pareshān huā jaatā hai

dil se jaate haiñ mire sabr-o-qarār
ghar ye vīrān huā jaatā hai

dil kī rag rag meñ samā kar 'bedam'
dard to jaan huā jaatā hai

jab se vo duur huā hai mirī in āñkhoñ se
dil mirā dil nahīñ ujḌā sā nagar lagtā hai

jab se dekhā hai tujhe khoyā huā rahtā huuñ
ye tirī shoḳh nigāhoñ kā asar lagtā hai

kaun jaane kitnī yādoñ se huā dil zaḳhm zaḳhm
chāñdnī barsī ki merī ruuh par ḳhanjar gire

muntazir huuñ ġham ke is tūfān-e-abr-o-bād meñ
kab ghaTā kā shor kam ho kab havā thak kar gire

yuuñ huā huuñ jazb 'ja.afar' vaqt ke tūfān meñ
tah maiñ gahre pāniyoñ kī jis tarah kañkar gire

kaun dasht-e-karb ke āzār kā aadī huā
kaun jā paayā hai bahr-e-dard kī maujoñ ke paar

kuchh zamāne kī ravish ne saḳht mujh ko kar diyā
aur kuchh bedard maiñ us ko bhulāne se huā

buland peḌoñ ke sabz pattoñ meñ sat.h-e-dariyā kī silvaToñ par
havā ke jhoñkoñ se dhuup ke jhilmilāte taare thirak rahe haiñ

ḳhunuk havā jaise kāñch kī tez kircheñ rag rag ko chīrtī haiñ
ḳhunuk havā jaise talḳh mai kā.enāt ke jism meñ ravāñ hai

ye kashtiyāñ barf se Dhakī niilī choTiyoñ par nazar jamā.e
havā se Takrātī sard paanī ko kāTtī baḌhtī jā rahī haiñ

vo jo ik lamha kisī yaad meñ kaTtā thā 'nazīr'
dil ke jalte hue sho.aloñ ko havā kartā thā

is ke jalve se huvaidā ma.arifat kī daulateñ
nuur se is ke huā insān kā irfāñ hameñ

havā bhī kitnī zamāna-shanās hai ai 'lais'
har ek sehn-e-gulistāñ kā ruḳh nahīñ kartī

haram meñ ḳhaak huā huuñ vo āshiq-e-barbād
miyān-e-dair havā-e-butāñ uḌā laa.ī

ishq ke āġhāz meñ kuchh yuuñ huā
muqtadī vo the imāmat ham ne kī

havā meñ uḌtā koī ḳhanjar jaatā hai
sar ūñchā kartā huuñ to sar jaatā hai

ḳhmūshī-e-rah-e-manzil se ye huā sābit
ki manzileñ bhī tarastī haiñ kārvāñ ke liye