Tags-Hawa

lahū jo rizq-e-zamīñ huā hai vo bārishoñ meñ dhulā nahīñ hai
tamām ā.inda mausamoñ ke ho naam ye intisāb jaise

hogā na saaf jhūTī havā-ḳhvāhiyoñ se dil
yuuñ dil kā kab ġhubār uḌā phūñk phūñk kar

maiñ tum se duur huā huuñ to maslahat hai koī
ye mat samajhnā ki mil ke nasha utarne lagā

havā le kar uḌī hai zard patte
chaman meñ nargis-e-ranjūr huuñ maiñ

kahīñ ġhash meñ thā maiñ paḌā huā suno aur qahr kī baat tum
mujhe dekhne ko jo aa.e vo to bigaḌ sañvar ke chale ga.e

kyuuñ saañs ghuT rahī hai kyuuñ muztarib hai dil bhī
shāyad khulī fazā meñ taaza havā nahīñ hai

zaḳhmoñ kī munājāt meñ pinhāñ vo asar thā
āñkhoñ se Tapaktā huā aañsū bhī guhar thā

havā to aap kī qismat meñ honā likkhā thā
magar maiñ aag huuñ mujh ko shajar meñ rahnā hai

tumhāre ba.ad koī rāsta nahīñ miltā
to tai huā ki udāsī ke ghar meñ rahnā hai

dhyān meñ kaun darinda hai jo bedār huā
maiñ kisī bū kī jalan pā ke ḳhabar-dār huā

baaġh kī samt se aatī hai havā sahmī huī
kaun is habs ke mausam meñ sadākār huā

us jazīre kī taraf soch-samajh kar jaanā
jo tire mauj meñ aane se numūdār huā

tum ko lagtā hai ki āsān hai duniyā-dārī
kār-e-duniyā meñ paTā huuñ to vafādār huā

is badan par bhī mirā kaam dikhā.ī degā
aur vo kaam ki jaise koī shahkār huā

us ne har soch kī zambīl ulaT kar rakh dī
aur maiñ ḳhvāb dikhāne kā sazā-vār huā

jab se zindagī huā dil gardish-e-taqdīr kā
roz baḌh jaatā hai ik halqa mirī zanjīr kā

ḳhūn-e-dil jin kī gavāhī meñ huā nazr-e-vafā
rañg to vo uḌ ga.e ab kyā karūñ tasvīr kā

ek lab tak hī na pahuñchī jo duā thī mustajāb
kis qadar charchā huā hai āh-e-be-tāsīr kā

kaun maslūb huā husn kā kirdār ki ham
shohrat-e-ishq meñ badnām huā yaar ki ham

ye jo har harf mire lafz kā uljhā huā hai
aise lagtā hai kahīñ ḳhvāb meñ sochā huā hai