Tags-Hawa

shaam hote hī koī sham.a jalā rakhnī thī
jab darīche se havā aatī to dekhā jaatā

pas-e-visāl bhī hai masti-e-visāl vahī
bahār ḳhatm huī maiñ na hoshiyār huā

phir kisī gul pe huā dil maa.il
dāġh-e-tāza nazar aate haiñ hameñ

gulshan bhī sajā.e haiñ is ne ye jhalkā hai shamshīr meñ bhī
insāñ ke lahū kā khel huā taḳhrīb meñ bhī ta.amīr meñ bhī

tere liye ījād huā thā lafz jo hai ra.anā.ī kā
sar se le kar nāḳhun-e-pā tak aalam hai zebā.ī kā

mehnat sab se baḌī ibādat mehnat-kash me.amār-e-qaum
ahd-e-nau āġhāz huā hai ḳhatm hai daur shāhī kā

reza reza tark ye rishta huā
sach kaheñ to jo huā achchhā huā

yaad kar dariyā ko sahrā ro paḌā
aur phir vo aap hī dariyā huā

us ke kūche jā ke pūchheñge kabhī
kyuuñ lage ye rāsta dekhā huā

ek to dil ke qadam bhī tez the
us pe ziina ishq kā bhīgā huā

tanhā tanhā so ga.e ham aur phir
aayā tū to ye bhī kyā aanā huā

havā kī shah pe jalātā hai ghar ġharīboñ ke
'navāz' aise diye ko diyā kahūñ kaise

husn be-parda huā jaatā hai yā rab kyā karūñ
ab to karnī hī paḌī dil kī nigahbānī mujhe

ḳhushbuoñ kī tarah itr-dānoñ meñ the
jab havā chal ga.ī sab bikharne lagā

pachhtāne se kyā hāsil pachhtāne se kyā hogā
kuchh tū ne kiyā hogā kuchh tujh se huā hogā

pursish kī nahīñ hājat pursish kī zarūrat kyā
ma.alūm hai sab tujh ko jo kuchh bhī huā hogā

havā to apnā qarīna badal nahīñ saktī
charāġh aap ne kis zo.am meñ jalā.e the

badan visāl-āhañg havā sā
qabā ajiib pareshānī meñ

saañs karne kī sochiye 'parvez'
ab nahīñ hone ko havā taqsīm

huā thā mastī kī majlis meñ shab guzar apnā
kiyā nazāra-e-mahviyyat-e-jahān-e-nigāh