Tags-Hawa

ik roz vo sitamgar mujh se huā muḳhātib
maiñ ne kahā ki pyāre ab ye ravā nahīñ hai

tarī talāsh meñ har rahnumā se bāteñ kiiñ
ḳhalā se rabt baḌhāyā havā se bāteñ kiiñ

nafrat-o-buġhz kī masmūm havā aisī chalī
kūcha-e-jānāñ bhī vīrān nazar aatā hai

jis kā chāñd sā chehrā thā aur zulf sunahrī bādal sī
mast havā kā āñchal thāme ek divānī lagtī thī

qaus-e-quzah kī bārish meñ ye jazboñ kī muñh zor havā
mauj uḌāte bal khāte dariyā kī ravānī lagtī thī

ḳhanda-e-mauj mirī tishna-labī ne jaanā
ret kā taptā huā dekh ke zarra koī

is safar pe huuñ ki halkān huā jaatā huuñ
aur kahāñ jaanā hai ye bhī nahīñ batlā saktā

jo raushnī kā nagar kabhī thā vo aaj añdheroñ meñ gum huā hai
ujaaḌ añdherī udaas vīrāñ imārateñ kyā shumār karnā

jo sham-e-bazm-e-suḳhan kabhī the na koī ab un ko jāntā hai
davām jin ko huā na hāsil vo shohrateñ kyā shumār karnā

ba-sat.h-e-āb koī aks-e-nā-tavāñ na paḌā
havā guzar bhī ga.ī aur kahīñ nishāñ na paḌā

shajar shajar mirī parvāz thī havā kī tarah
khulī fazā meñ mujhe kis ne zer-e-dām liyā

nayan meñ ḳhuuñ bhar aayā dil meñ ḳhār-e-ġham chhupā shāyad
huā is dam vo teġh-abrū kisī se āshnā shāyad

gale lagtā thā har gard-e-havā-āvurd se majnūñ
ki ḳhāk-e-kūcha-e-lailā le aa.ī ho sabā shāyad

shabistānoñ meñ lau dete hue kundan se jismoñ par
havā kī uñgliyoñ se vasl kā paiġhām likh denā

havā hī aisī chalī hai har ek sochtā hai
tamām shahr jale ek merā ghar na jale

kaise vīrān sāhiloñ kī havā
ret par zindagī guzārtī hai

maiñ ne kyā sochā thā un ke vāste aur kyā huā
mere chup hone se andar kī sadā.eñ mar ga.iiñ

havā ko aur bhī kuchh tez kar ga.e haiñ log
charāġh le ke na jaane kidhar ga.e haiñ log

maiñ huā shefta un par vo adū par shaidā
saath ke saath hī donoñ kī tabī.at aa.ī

uchhal paḌā thā jab ik baar jhiil kā paanī
badan chhupātī phirī thī havā daraḳhtoñ meñ