Tags-Hawa

mauj-e-havā meñ aag bharī hai
bahte dariyā khaul uThe haiñ

ab sard-havā sho.ala-e-jāñ soz-e-junūñ bhī
ab garmī-e-husn-e-ruḳh-e-zebā bhī bahut hai

TuuTā huā ā.īna jo raste meñ paḌā thā
sūraj kī tarah merī nigāhoñ meñ chubhā thā

maazī nahīñ martā hai yaqīñ aa gayā mujh ko
biitā huā har pal vo liye saath khaḌā thā

kis taraf jaa.e ġharīb adbār kā maarā huā
is musāfir ko pas-e-dīvār rahne dījiye

benām-o-nishāñ barg sī āvāra-e-manzil
kuchh mujh pe karam shāḳh kā kuchh zor havā kā

shikasta-pā hī sahī duur kī sadā hī sahī
bikhar gayā jo havā se vo naqsh-e-pā hī sahī

charāġh kah ke mirā nuur mujh se chhīn liyā
charāġh phir bhī rahūñgā bujhā huā hī sahī

umr bhar rashk-e-adū saath thā kahtā kyā haal
vo milā bhī kabhī tanhā to maiñ tanhā na huā

dard-e-dil dard huā siina kī sozish bhī ga.ī
sharbat-e-vasl meñ tere haiñ ye tāsīreñ do

usī kā naam farishtoñ ke naam se chamkā
jo aadmī huā qurbān dostī ke liye

ye ajiib sāqī-e-māh-vash tire mai-kade kā nizām hai
huā jaise tū bhī divāliya na to ḳhum na mai hai na jaam hai

havā se kah do ki kuchh der ko Thahar jaa.e
ḳhajil hamārī ibārat havā se hotī hai

barham huā thā merī kisī baat par koī
vo hādisa hī vaj.h-e-shanāsā.ī ban gayā

vo terī bhī to pahlī mohabbat na thī 'qatīl'
phir kyā huā agar koī harjā.ī ban gayā

ġham kī takmīl kā sāmān huā hai paidā
lā.iq-e-faḳhr mirī be-sar-o-sāmānī hai

badle badle haiñ āshnā chehre
dosto hādisa huā kyā hai

alam-nasīb to ro ro ke so ga.e āḳhir
magar malūl huā raat bhar sisaktī rahī

āñkhoñ pe yuuñ chhā.e ho tum har jā nazar aa.e ho tum
kaisā junūñ mujh ko huā hazrat nizāmuddīn-jī

hai qadam us kā havā par paañv us kā ḳhaak par
zulf ke mushkī ko kab paatā hai ghoḌā saañp kā