Tags-Hawa

ramtā huā jogī huuñ bahtā huā paanī huuñ
hargiz na koī mujh se ab merā patā māñge

phir chehra-e-qātil kī nazroñ ko zarūrat hai
phir kūcha-e-qātil kī dil āb-o-havā māñge

dil-e-barbād tujh ko kyā huā hai
sarā.e meñ koī bastā nahīñ hai

ye tum ne paañv kyā rakkhā huā thā
zamīñ ne hausla rakkhā huā thā

parindoñ se hamārī dostī thī
shajar se vāsta rakkhā huā thā

tabhī ham jī rahe the ḳhush-dilī se
ki tum ne rābta rakkhā huā thā

ba-zāhir lag rahī thī iiñT lekin
saḌak par hādisa rakkhā huā thā

kisī ne ghar baḌe rakkhe hue the
kisī ne dil baḌā rakkhā huā thā

tirī nisbat se sab kuchh mil rahā thā
vagarna mujh meñ kyā rakkhā huā thā

havā-e-āḳhir-e-shab ne diyoñ se
sulūk-e-nāravā rakkhā huā thā

ḳhāk-e-'shiblī' se ḳhamīr apnā bhī uTThā hai 'fazā'
naam urdu kā huā hai isī ghar se ūñchā

maiñ hī ik zahar lagā apnoñ ko begānoñ ko
maiñ hī ik qatl huā shahar meñ sachchā ban kar

jhoñke chale havā ke pareshāñ huī vo zulf
ḳhushbū tamām phailī hai mushk-e-ḳhutan luTā

tārīk raat mausam-e-barsāt jān-e-zār
girdāb pīchhe sāmne tūfāñ havā kā thā

ik umr ba.ad bhī na shifā ho sake to kyā
rag rag meñ zahr sadiyoñ kī āb-o-havā kā thā

go rāhzan kā vaar bhī kuchh kam na thā magar
jo vaar kārgar huā vo rahnumā kā thā

zindagī! tujh sā munāfiq bhī koī kyā hogā
terā shahkār huuñ aur terā hī maarā huā huuñ

rañj is kā nahīñ ki ham TuuTe
ye to achchhā huā bharam TuuTe

farār pā na sakā koī rāsta mujh se
hazār baar mirā sāmnā huā mujh se

vo laḌkī lagtī thī ajnabī sī zarā se khaTke pe chauñktī thī
ye us ke saath hādsa huā kyā ki baiThe baiThe bikhar ga.ī vo