Tags-Hawa

tujh ḳhatt-e-pusht-e-lab meñ tis kā suḳhan huā sabz
us kī zabāñ dahan meñ mānind-e-barg-e-pāñ hai

jaan chorī ga.ī nuqsān huā dil ke sabab
dosh diije kise ye bhedī to ghar kā niklā

hastī ke har ik moḌ pe ā.īna banā huuñ
miT miT ke ubhartā huā naqsh-e-kaf-e-pā huuñ

dil ḳhush huā hai masjid-e-vīrāñ ko dekh kar
merī tarah ḳhudā kā bhī ḳhāna ḳharāb hai

kam aa.e haiñ jo number aisā bhī kyā huā hai
har baar aao avval ye kis jagah likhā hai

chamelī ghaas par bikhrī paḌī hai
havā ye baaġh meñ kaisī chalī hai

havā ne bādal se kyā kahā hai
ki shahr jañgal banā huā hai

yuuñ to mus.haf bhī uThā.e ga.e qasmeñ bhī magar
āḳhirī faisla talvār uThāne se huā

huā tū ġhair se jab ham-kanār mere saath
kahāñ vo vaada rahā aur kahāñ qarār rahā

jab ḳhvāb huiiñ us kī āñkheñ jab dhund huā us kā chehra
har ashk sitāra us shab thā har zaḳhm añgāra us din thā

ḳhud se miltā huuñ bichhaḌ jaatā huuñ
ḳhvāb zanjīr huā hai kyā hai

maiñ boltā rahā to kisī ne nahīñ sunā
maiñ chup huā to saarā nagar gūñjne lagā

thī sard yaad kī havā maiñ dasht meñ thā maazī ke
na pūchhiye janāb maiñ ne kaise raat paar kī

āḳhir-e-kār hijr ḳhatm huā
aur pas-māñdgān meñ ham haiñ

kisī mandir kī ghanTī se
Darā sahmā huā bhagvān

marhala koī judā.ī kā jo darpesh huā
to tabassum kī ridā ġham ko uḌhā lī maiñ ne

kyā huā kyuuñ huā kis liye kyā ḳhabar jo huā so huā tū use bhuul jā
jaag kar raat bhar ho ga.ī hai sahar ab na ḳhud ko jalā tū use bhuul jā

pāgal havā ke dosh pe jins-e-girāñ na rakh
is shahr-e-be-lihāz meñ apnī dukāñ na rakh

us kā diyā huā hai jism us ke supurd kar
rakhne kī is havas meñ tū donoñ jahāñ na rakh

aa.egī har taraf se havā dastakeñ liye
ūñchā makāñ banā ke bahut khiḌkiyāñ na rakh