Tags-Hawa

dil-e-ġham-dīda huā hamdam-e-sad-gūna-nashāt
aaj aayā hai jau dilbar kā payām-e-maḳhsūs

vo mirā sub.h-nafas muḳhlis-e-yak-rañg huā
ab na vo sub.h-e-muqarrar hai na shām-e-maḳhsūs

ḳhuub e.azāz giraftār-e-mohabbat kā huā
un ko hai madd-e-nazar qaid-e-davām-e-maḳhsūs

aam se ḳhaas kī tam.īz huā kartī hai
ho gayā nok-e-zabāñ shoḳh ko nām-e-maḳhsūs

naqs ye vaz.a kā ho jā.egā dāġh-e-ismat
kyuuñ vo shab-gard huā māh-e-tamām-e-maḳhsūs

aage harīm-e-ġham se koī rāsta na thā
achchhā huā ki saath kisī ko liyā na thā

jis dar se dil ko zauq-e-ibādat atā huā
us āstān-e-shauq pe sajda ravā na thā

āñdhī meñ barg-e-gul kī zabāñ se adā huā
vo raaz jo kisī se abhī tak kahā na thā

diye bujhānā girānā guloñ ko shāḳhoñ se
havā ke haath sadā kaam karte rahte haiñ

uThāo teġh sazā do raqīb-e-mufsid ko
nasīhatoñ se huā hai kab intizām koī

har ik raste pe ḳhud ko DhūñDhtā huuñ
maiñ apne aap se bichhḌā huā huuñ

dil huā chhalnī to naġhme chhan paḌe
baañs meñ rauzan paḌe to bāñsurī

kahiye asīr-e-ḳhvāhish-e-sumbul koī huā
denī misāl-e-kākul-e-ambar-fishāñ ġhalat

apnā siina huā raushan to unheñ
husn kī kam-nazarī yaad aa.ī

dil-e-nādāñ tujhe huā kyā hai
āḳhir is dard kī davā kyā hai

sabza o gul kahāñ se aa.e haiñ
abr kyā chiiz hai havā kyā hai

safar huā thā jahāñ se jaarī usī jagah par hai lauTnā phir
qadam qadam hādsoñ se laḌnā na ham se hogā ye hausla phir

koī yahāñ muskurā rahā hai kisī ke aañsū chhalak rahe haiñ
sunā hai maiñ ne mushā.ere meñ huā hai 'tālib' ġhazal-sarā phir

apnī taḳhlīq se huā mahdūd
varna maiñ jāntā hudūd na thā

huā kyuuñ iltifāt un kā baḌhā kyuuñ hausla merā
nihāñ phūloñ meñ rahtī aah gar nik.hat to achchhā thā