Tags-Hawa

niklā agar to haath na ā.ūñgā phir kabhī
kab se huuñ is badan kī kamāñ meñ tanā huā

itnā bhī kaun hogā halāk-e-fareb-e-rañg
shab us ne mai jo pī hai to mujh ko nasha huā

'fāriġh' havā.e dard ne lauTā diyā jise
aa.egā ek din mirā ghar pūchhtā huā

fasādāt dekhe the taqsīm ke vaqt tum ne
havā meñ uchhalte hue DanThaloñ kī tarah shīr-ḳhvāroñ ko dekhā thā kaTte

dil kā ā.īna huā jaatā hai dhundlā dhundlā
kab tirā aks ise apnī safā.ī degā

sabab nahīñ thā koī yuuñ to apne rone kā
huā thā shauq magar āstīñ bhigone kā

bujh ga.iiñ sham.eñ to dam toḌ ga.e jhoñke bhī
jis tarah zahr-e-raqābat se havā zinda thī

do vaqt nikalne lagī lailā kī savārī
dilchasp huā qais ke rahne se ban aisā

bas tirā ism munājāt meñ rakkhā huā hai
gardish-e-vaqt ko auqāt meñ rakkhā huā hai

ye tire adl-o-musāvāt meñ rakkhā huā hai
tū ne to ajr bhī darjāt meñ rakkhā huā hai

ab mujhe jā ke har ik dar pe sadā denī hai
jab mirā rizq hī ḳhairāt meñ rakkhā huā hai

apnī har baat pe hotā hai vilāyat kā gumāñ
ishq ne kaise tilismāt meñ rakkhā huā hai

tū ne jo āḳhirī maktūb mujhe bhejā thā
maiñ ne ik umr se barsāt meñ rakkhā huā hai

raunaq-e-shahr kabhī raas nahīñ aa.ī 'zakī'
dil ko bahlā ke mazāfāt meñ rakkhā huā hai

kaise likhūñ maiñ chāñd ke qisse kaise likhūñ maiñ phuul kī baat
ret uḌaa.e garm havā to kaise maiñ barsāt likhūñ

ayaañ hotā hai jyūñ-kar sarv paanī ke kināre par
huā yuuñ jalva-gar āñkhoñ meñ qadd-e-naunihāl us kā

judā jab siiñ huā vo dilbar-e-jādū-nazar mujh siiñ
judā hotā nahīñ yak aan ḳhātir siiñ ḳhayāl us kā

giraftār-e-havas kyā lazzat-e-dīdār kuuñ paave
judā jo kuī huā hai aap siiñ paayā visāl us kā

ek ek kar ke log bichhaḌte chale ga.e
ye kyā huā ki vaqfa-e-mātam nahīñ milā

maiñ to jal kar bujh chukā thā ik khañDar kī god meñ
vo na jaane kyuuñ mujhe hañstā huā yaad aa gayā