Tags-Hawa

ishq-e-jān-e-jahāñ nasīb huā
ik zamāna mirā raqīb huā

mar ga.e ham masīh ke dam meñ
ye bhī ik vāqi.a ajiib huā

un se kah do ki aap par āshiq
bekas-o-be-vatan ġharīb huā

na sune naale kyā kisī gul ne
tujh ko kyā rañj andalīb huā

paas ādāb-e-husn-e-yār rahā
ishq mere liye adiib huā

jab nakīrain ne savāl kiye
yā-alī kah ke maiñ mujib huā

merā sar hogā aur un ke paañv
yāvar apnā agar nasīb huā

jab huā qabr meñ savāl ai 'mehr'
yā-alī kah ke maiñ mujīb huā

aañsū bhī bahā kar dekh liye soz-e-ġham-e-pinhāñ kam na huā
dil meñ tirī ulfat kā sho.ala sho.ala hī rahā shabnam na huā

duniyā kī bahāroñ meñ kho kar maiñ apnī nazar se chhup jaatā
sad-shukr dil-e-āgāh mirā dil ban gayā jām-e-jam na huā

thā dāġh-e-tamannā rūh-shikan kuchh himmat-e-ġham kaam aa hī ga.ī
dil meñ to baḌe tūfān uThe aañsū na bahe mātam na huā

ham shukr-e-sitam yuuñ karte haiñ jaise koī ne.amat mil jaa.e
lekin ye tirā andāz-e-nazar nashtar hī rahā marham na huā

bikhre hue tinke chun chun kar ta.amīr nasheman kar to liyā
ta.amīr-e-nasheman se lekin ehsās-e-tabāhī kam na huā

kaafī hai 'farīdī' ko vo nazar jo marham-e-zaḳhm-e-hastī hai
tū ne jise apnā ġham baḳhshā phir us ko kisī kā ġham na huā

kaisī kashish hai ishq ke TuuTe mazār meñ
mela lagā huā hai hamāre dayār meñ

kahīñ tum milo to
masā.il ko uljhā huā chhoḌ kar ham

niind meñ Duube shajar se chīḳhte panchhī uḌe
ḳhauf ke maare havā meñ kapkapī sī ho ga.ī

bas yūñhī kuchh gumāñ sā thā koī pas-e-suḳhan bhī hai
dar jo lab-kushā huā mujh ko yaqīn aa gayā

phir vo havā kā qahqaha kaan meñ gūñjne lagā
aur bhī ik diyā bujhā mujh ko yaqīn aa gayā

namak-e-zaḳhm huā marham-e-gālīnosī
ḳhalish-e-sīna-e-afgār kuuñ kui kyā jaane