Tags-Hawa

zul-jalāl āñsuoñ ke tufail aaj bhī
har nafas ik sulagtā huā farz hai

hisār-e-dasht-e-vahshat meñ bagūloñ ke ishāroñ par
hathelī par liye phirtī hai muddat se havā āñkheñ

havā bahut tez chal rahī hai charāġh-e-jāñ phir bhī jal rahā hai
ye kaun hai jo hamāre pīchhe havā ke hamrāh chal rahā hai

thī mutma.in nigāh bhī ke bah chukā hai sail-e-ġham
huā magar jo sahn-e-dil meñ jal-bhrāv kyā kareñ

mizāj le ke bil-āḳhir judā kidhar jaa.e
charāġh-e-dost bane haiñ havā kidhar jaa.e

Dhai jaane kā kuchh ghar ke mujhe ġham nahīñ itnā
is ḳhāna-ḳharābī ne havā-dār to rakkhā

ham ne is dil ko kahīñ aur lagāyā huā hai
aur ye haath kahīñ aur uThā.e hue haiñ

kis liye yaad dilāte ho abhī rahne do
kyā huā ham jo koī baat bhulā.e hue haiñ

muskurātā huā maqtal se guzar aayā huuñ
zindagī terī koī ḳhaas adā hai mujh meñ

shahr meñ mujh se bhaḌaktā thā tasavvur terā
us kī tasḳhīr ko maiñ sākin-e-vīrāna huā

chalī jā.egī ik hī ruḳh havā taaki zamāne kī
na puurā hogā terā daur ye ai āsmāñ kab tak

be-sadaf kitne hī dariyāoñ se kuchh bhī na huā
bojh qatre kā thā aisā ki samundar se uThā

ik din havā ke ḳhauf se kahne lagā charāġh
merā yuuñ shā.irī meñ na charchā kareñ huzūr

jhagḌā huā hai aaj sitāroñ kā chāñd se
bolā hai kitnī baar na chamkā kareñ huzūr

miyān-e-rāh ajab pur-fazā thī gahrī jhiil
maiñ Duub jaatā ki achchhā huā palaT jaanā

ham razā-sheva haiñ tāvīl-e-sitam ḳhud kar leñ
kyā huā un se agar baat banā.ī na ga.ī

naqsh jab zaḳhm banā zaḳhm bhī nāsūr huā
jā ke tab koī masīhā.ī pe majbūr huā

par parvāz bhī tab tak na khule the jab tak
baiTh jaane kī thakan se na badan chuur huā

din kī chhalnī meñ tirā lamha-e-fursat chhāne
dil to lagtā hai isī kaam pe māmūr huā

dāman-e-dost hai ik zehn ke pardoñ meñ kahīñ
jis qadar haath baḌhāyā hai so vo duur huā