Tags-Hawa

maqbūl-e-duā ho na asar āh-o-fuġhāñ meñ
is daur meñ tāsīr-e-mohabbat ko huā kyā

is husn-o-latāfat pe kyā sañg-dil aisā
hairat meñ huuñ allāh kī hikmat ko huā kyā

jaage to koī anjuman-e-ġhair meñ shab bhar
aur chhā.ī mire muñh pe nadāmat ko huā kyā

dānista naqāb ulTe hue haiñ sar-e-bāzār
aur us pe ye kahte haiñ ki ḳhilqat ko huā kyā

lo ham to chale kausar o tasnīm pe zāhid
tum yūñhī kahe jaao ki rahmat ko huā kyā

'mā.il' nahīñ kyā aur zamāne meñ ilāhī
mujh par hī utartī hai ye aafat ko huā kyā

ye kyā huā ki ab apnā bhī e.atibār nahīñ
hameñ to sab kā bharosā thā kuchh dinoñ pahle

añdhyārī raat ke āñgan meñ ye sub.h ke qadmoñ kī aahaT
ye bhīgī bhīgī sard havā ye halkī halkī dhuñdhlāhaT

ham haiñ sham.a-e-sar-e-bād aur ho tum mauj-e-havā
ghūmne phirne idhar ko bhī zarā ho jaanā

sulgā huā hai ziist kā sahrā ufuq ufuq
chehroñ kī dilkashī ga.ī zebā.ī kam huī

dhuāñ uḌātī huī dhīmī dhīmī bārish hai
havā kī andhī savārī pe andhī bārish hai

havā kī shah pe hī phirtī hai dandanātī huī
hamāre chāroñ taraf sar-phirī sī bārish hai

ḳhushī thī ḳhalvat-nashīñ the bāham muḳhil huā ġhair aa ke jis dam
to hosh-o-aql-o-ḳhirad sidhāre idhar hamāre udhar tumhāre

havā chalī hai na pattā koī hilā ab tak
vahī hai ek ḳhamoshī kā silsila ab tak

ḳhud apne aap se rūThā huā huuñ
samajhte haiñ vo maiñ un se ḳhafā huuñ

ba-zāhir hai hañsī hoñToñ pe mere
magar andar se maiñ TuuTā huā huuñ

ye aa.ina thā magar ġham kī rahguzār meñ thā
aTā huā mirā dil dard ke ġhubār meñ thā

khule hue the ka.ī maslahat ke darvāze
magar ye dil thā ki Duubā huā vaqār meñ thā

is auj par na uchhālo mujhe havā kar ke
ki maiñ jahāñ se huuñ utrā ḳhudā ḳhudā kar ke

jaltā huā charāġh agar hai mirā vajūd
phir apne dil ke taaq meñ jalne to de mujhe