Tags-Hawa

un kī mahfil meñ jo huā rusvā
ham sā ḳhāna-ḳharāb thā koī

kiyāriyāñ dhuul se aTī pā.īñ
āshiyāna jalā huā dekhā

vaise to pahāḌ zamīn kā sukḌā huā libās haiñ
lekin jab bārish hotī hai

'shāz' sūraj bhī tamāshā.ī huā aaj ke din
ruḳhsat-e-sāya-e-dīvār hai dīvār se dekh

maiñ tere hijr meñ baiThā huā kuchh phuul gin lūñgā
miyān-e-be-dilī rañg-e-gulistāñ kaun dekhegā

vo mujh se kahte haiñ muskurā do
huā hai jo kuchh use bhalā do

mirā vajūd havāla tirā huā āḳhir
to khā gayā nā mujhe tū mire savāl-e-qadīm

huā kahāñ abhī sadiyoñ ke jabr se āzād
ḳhudā.ī par jo bashar iḳhtiyār māñge hai

aahoñ se mire ghar meñ havā garm rahegī
maiñ jā.ūñgā to bhī mirī jā garm rahegī

huā jab jalva-ārā aap kā zauq-e-ḳhud-ārā.ī
tamāshā rah gayā ban kar jahāñ kā har tamāshā.ī

bahāreñ hī huā kartī haiñ tamhīd-e-ḳhizāñ aksar
vahāñ barsoñ rahā mātam jahāñ pal bhar ḳhushī aa.ī

kyā ajab gar maiñ huā dīvāna-e-zulf-e-butāñ
gar farishta hove to un kā mubtalā ho jā.egā

maiñ huuñ aisā paat havā meñ peḌ se jo TuuTe aur soche
dhartī merī gor hai yā ghar ye niilā ākāsh jo sar par

ye haath apnā mire haath meñ thamā diije
thakā huā huuñ zarā dil ko hausla diije

qurbatoñ ke ghaaT par sūkhī nadī sābit huā
fāsloñ ke dasht meñ gahrā samundar thā koī

devtā hai ab vahī mandir ke aasan par jamā
Thokareñ khātā huā raste kā patthar thā koī

tohmateñ aap ke dāman se lipaT saktī haiñ
aag jab sulgī huī ho to havā mat denā

ravāñ to huuñ sū-e-aflāk-e-ārzū lekin
ye zor-e-mauj-e-havā bāzuoñ ko toḌegā

us ko judā hue bhī zamāna bahut huā
ab kyā kaheñ ye qissa purānā bahut huā

achchhā huā ki dekhne aayā na vo hameñ
chehre pe pat-jhaḌoñ kī bhī izzat isī meñ thī