Tags-Hawa

kahīñ jo pursish-e-ahvāl par vo maa.il hoñ
ki ham ne dil ko sambhālā huā hai jab ke liye

ġhaur se dekhā nizām-e-dahr to sābit huā
aadmī paidā huā hai kaam karne ke liye

kal is qadar thā habs hamāre makān meñ
sankī havā zarā to ghuTan aur baḌh ga.ī

havā be-mehr thī us raat ThanDī aur kaTīlī
saañs lenā sar se ūñchī lahr se Takkar lagānā thā

yuuñ sar-e-rāh un se taqābul huā
jaise miltā hai anjān anjān se

dariyā meñ duur duur talak kashtiyāñ na thiiñ
ḳhatra na thā havā ko kisī bādbān kā

dariyā se uḌtī havā
apnī lahroñ-bharī shaal phailā.e

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

na rok le hameñ rotā huā koī chehra
chale to muḌ ke galī kī taraf nahīñ dekhā

ba-faiz-e-shauq ye din dekhnā nasīb huā
ki sar se dard kā tūfāñ guzar guzar sā gayā

jo kabhī lagī kī ḳhabar sunī to ġhazab kī choT yahāñ lagī
mujhe soz-e-dil kā gumāñ huā jo kisī ke ghar se dhuāñ uThā

na huā ilāj-e-ġham-e-ḳhudī kisī barahman se na shaiḳh se
mujhe is balā se bachāne ko jo uThā to pīr-e-muġhāñ uThā

is se pahle nahīñ huā thā kabhī
dil kā jo haal ab hai mil jaao

huā vo mujh se muḳhātab to yuuñ lagā jaise
koī sitāra-e-gardūñ-rikāb TuuT gayā

kisī kī aañkh kā taarā huā karte the ham bhī to
achānak shaam kā taarā nazar aayā to yaad aayā

sham-e-harīm-e-lam-yazalī thā gulū-e-shāh
tārīk shab meñ jaise huvaidā ho nūr-e-māh

gesū the vo mufassir-e-vallail-izā-sajā
ruḳh se ayaañ the ma.anī-e-vashshams-o-va-zzuhā

azal kī yaad meñ maiñ garm-e-āh-e-sard huā
lagī thī choT kabhī aur aaj dard huā

guzar gayā ye nigāhoñ se terā markab-e-husn
tamām ālam-e-dil ik qadam meñ gard huā

ġhalat ki qābil-e-dār-o-rasan hoñ ahl-e-havas
bañdhā.ī ishq ne himmat jise vo mard huā