Tags-Hawa

shahr-e-sadā pe hai koī parda paḌā huā
koī galī na koī makāñ mere sāmne

vo mere sāmne malbūs kyā badalne lagā
nigār ḳhāna-e-abr-o-havā badalne lagā

huā hai kaun numūdār tiin samtoñ se
ki andarūñ kā jazīra-numā badalne lagā

talāsh jis nuur kī hai tujh ko chhupā hai tere badan ke andar
zuhūr-e-ālam huā usī se vo hai har ik jān-o-tan ke andar

tū hī muhaqqiq tū hī mujaddid banā hai tū aap hī muqallid
tū rasm-o-rah kā huā muqayyad phañsā hai ḳhud mā-o-man ke andar

ajiib ahmaq hai aur saada savār ho kar huā piyāda
kidhar chalā ye nahīñ hai jaada tū kyuuñ bhaTaktā hai ban ke andar

huā hai mast-e-sharāb-e-gulgūñ akaḌ rahā hai vo sarv-e-mauzūñ
dikhā ke ham ko ye jām-e-vāzūñ ḳhajil kiyā anjuman ke andar

huā hai sarshār vahm-e-'sāqī' tujhe nahīñ shauq-e-vasl baaqī
havā-e-duniyā kā hai mirāqī paḌā hai āvāgavan ke andar

umr guzrī davā.eñ karte 'mīr'
dard-e-dil kā huā na chāra hanūz

tez havā kī dhaar se kaT kar kyā jaane kab gir jaa.e
lahrātī hai shāḳh-e-tamannā kachchī bel chamelī sī

yahāñ daraḳht ke uupar ugā huā hai daraḳht
zamīn tañg hai (jaise kabhī farāḳh na thii)

kal raat yuuñ huā ki pahar-do-pahar ga.e
koī kuchh aise chīḳh paḌā log Dar ga.e

sapnoñ kī khoj hī meñ kaTegī ye raat bhī
aisī havā chalī hai ki bādal bikhar ga.e

dil fasurda to huā dekh ke us ko lekin
umr bhar kaun javāñ kaun hasīñ rahtā hai

ḳhabar detī hai tahrīk-e-havā tabdīl-e-mausam kī
khileñge aur hī gul zamzame bulbul ke kam hoñge

da.avat-e-nazzāra de kar aisā vo ġhā.eb huā
merī āñkhoñ ne dobāra phir use dekhā nahīñ

dushman agar vo dost huā hai to kyā ajab
yaañ e'timād-e-dostī-e-jism-o-jāñ nahīñ

sukūn luTtā rahegā fazā hī aisī hai
hamāre shahr kī āb-o-havā hī aisī hai

tanhā.iyoñ kā habs mujhe kāTtā rahā
mujh tak pahuñch sakī na tire shahr kī havā

vo qahqahoñ kī sej pe baiThā huā milā
maiñ jis ke dar pe dard kī bārāt le gayā