Tags-Hawa

jis samt kī havā hai usī samt chal paḌeñ
jab kuchh na ho sakā to yahī faisla kiyā

apnī shikastagī pe vo nādim nahīñ huā
merī barahna-pā.ī kā jis ne gila kiyā

ishq ke saaz par jab huā zaḳhma-zan
shor-e-tahsīñ meñ ḳhud us kī āvāz dab sī ga.ī

haa.e kyā qahr thī vo pahlī nazar
jis meñ mahsūs ye huā 'aḳhtar'

havā ke hausle zanjīr karnā chāhtā hai
vo merī ḳhvāhisheñ tasvīr karnā chāhtā hai

kahāñ vo ab lutf-e-bāhamī hai mohabbatoñ meñ bahut kamī hai
chalī hai kaisī havā ilāhī ki har tabī.at meñ barhamī hai

havā ke ruḳh ne nayā marsiya likhā hai jahāñ
bhaḌak uThī hai vahīñ aag jal rahe haiñ sutūn

maiñ sadāqat kā alam-bardār samjhā thā jise
vo bhī jab ruḳhsat huā to ik kahānī de gayā

aadmī jab ḳhuun kā pyāsā huā
azmat-e-insān bhī dhokā huā

aap ko shohrat milī achchhā huā
merā kyā hai maiñ agar rusvā huā

qabr par aaoge rone ke liye
merī jaañ ye bhī koī va.ada huā

vāda-e-fardā pe jo Taltā rahe
vo marīz-e-hijr kab achchhā huā

jab mirī āvārgī had se baḌhī
ābla-pā lāla-e-sahrā huā

ab chaman meñ vo sakūñ 'ahsan' kahāñ
ik nasheman thā milā jaltā huā

har chamaktā huā zarra hai sitāra 'hāris'
āsmāñ hai mire qadmoñ meñ bichā.ī huī ret

koī khulā huā hai to koī chhupā huā
vaa.iz na chheḌ mujh ko gunāhgār dekh kar

naaz kabhī niyāz hai aur niyāz nāz-e-ishq
ḳhatm huā na ho kabhī silsila-e-darāz-e-ishq

apnī ḳhabar kahāñ unheñ jin pe khulā hai rāz-e-ishq
saare shu.ūr miT ga.e jab huā imtiyāz-e-ishq

hosh-o-ḳhirad adū-e-ishq ishq hai dushman-e-ḳhirad
hai na huā na ho kabhī aql se sāz-bāz-e-ishq

havā gum-sum thī suunā āshiyāñ thā
parinda raat bhar jaane kahāñ thā