Tags-Hawa

hasrat o shauq ke aalam meñ chale yuuñ 'aḳhtar'
muskurātā huā jaise koī dīvāna chale

jis kā Dar thā vahī huā yaaro
vo faqat ham se hī ḳhafā niklā

naam se tere jo raushan matla-e-dīvāñ huā
har varaq ḳhurshed ke mānind nūr-afshāñ huā

terī hī qudrat se paidā hai zamīn-o-āsmāñ
ḳhaak kā putlā tajallī se tirī insāñ huā

tere abr-e-faiz se taaza hai bāġh-e-kā.enāt
kyā gul-e-ālam nasīm-e-fazl se ḳhandāñ huā

qadr rakhtā hai sulaimāñ se zyāda mor bhī
jo gadā darvāze kā tere huā sultāñ huā

yaad se terī dil-e-nāshād apnā shaad hai
zikr terā mere dard-e-fikr kā darmāñ huā

sar-bulandī meñ bhī mujh ko faḳhr kī daulat milī
allāh allāh kis qadar mujh par tirā ehsāñ huā

halqa-e-sāhab-e-dilāñ meñ terā 'ahqar' naam hai
ye samajh le chaak terā nāma-e-isyāñ huā

safar ke tasavvur se sahmā huā huuñ
baḌī der se yuuñ hī Thahrā huā huuñ

udhar Dūbte jā rahe haiñ sitāre
idhar maiñ ḳhayāloñ meñ uljhā huā huuñ

jalāne ke qābil na likhne ke laa.eq
maiñ kāġhaz huuñ saada pa bhīgā huā huuñ

sambhāle huuñ ḳhud ko baḌī kāvishoñ se
mujhe chhū na lenā maiñ chaTḳhā huā huuñ

musalsal paḌī hai kaḌī dhuup mujh par
mirā rañg dekho maiñ kaisā huā huuñ

na baaqī hai saaya na barg-o-samar haiñ
maiñ mausam kī sāzish kā maarā huā huuñ

thameñgī kabhī to muḳhālif havā.eñ
yahī soch kar ḳhud meñ simTā huā huuñ

ḳhud se mushkil huā suḳhan karnā
vaqt vo aa paḌā suḳhan-var par

vo havā na rahī vo chaman na rahā vo galī na rahī vo hasīñ na rahe
vo falak na rahā vo samāñ na rahā vo makāñ na rahe vo makīñ na rahe

ujḌā huā vo bāġh-e-jahāñ ham judā hue
āseb-e-ġham kā dil pe baserā vahīñ se hai

mausam ke paas koī ḳhabar mo'atabar bhī ho
mauj-e-havā ke saath tirā nāma-bar bhī ho