Tags-Hawa

fikr kī aañch meñ pighle to ye ma.alūm huā
kitne pardoñ meñ chhupī zaat kī sachchā.ī hai

jītne mārka-e-dil vo lagātār gayā
jis ghaḌī fat.h kā ailān huā haar gayā

na haarā hai ishq aur na duniyā thakī hai
diyā jal rahā hai havā chal rahī hai

kuuch kā jab bhī gajar baje uTh kar chal deñge
bañdhā huā ham apnā bistar rakhne vaale

hayāt kyā hai faqat musta.ār-e-lamha-e-shauq
ye kah ke le ga.ī mauj-e-havā habāb bhī saath

maiñ jaise ḳhushbū kī bārishoñ maiñ nahā rahā huuñ
havā ke hoñToñ se koī gul-bāz boltā hai

kyā aa.ī thiiñ hūreñ tire ghar raat ko mehmāñ
kal ḳhvāb meñ ujḌā huā firdaus-e-barīñ thā

vahīñ pe barsā hai bādal jahāñ havā ne kahā
hamārī chhat pe to bārish barā.e-nām aa.ī

chāñd par jaane kā muzhda sun kar
apnā bhūlā huā ghar yaad aayā

ki na jaane kaun mire vajūd pe paañv rakh ke chalā gayā
koī naqsh-e-pā huuñ rukā huā ise rāste se nikāl de

vo milā ki jaise bichhaḌ gayā koī sāneha bhī nahīñ huā
mirā ishq bhī koī ishq hai ki na ḳhush kare na malāl de

ye bhī ik dhokā thā nairañg-e-tilism-e-aql kā
apnī hastī par bhī hastī kā huā dhokā mujhe

ghuTan baḌhī hai to phir usī ko sadā.eñ dī haiñ
ki jis havā ne har ik shajar be-samar kiyā hai

na.e daur ke na.e ḳhvāb haiñ na.e mausamoñ ke gulāb haiñ
ye mohabbatoñ ke charāġh haiñ inheñ nafratoñ kī havā na de

havā ke dam pe hai jab zindagī kā dār-o-madār
to kyuuñ ġhurūr tujhe ai habāb rahtā hai

mire pahlū meñ dil hai to yaqīnan
azal hī se magar TuuTā huā hai

ham ko baḳhshā hai zamāne ne jahāñ-bhar kā alam
tāb-e-ḳhurshīd se chhalnī huā qalb-e-shabnam

ab kahāñ guftugū mohabbat kī
aisī bāteñ hue zamāna huā

huā qatl be-jurm maiñ jā ke 'barq'
vo kūcha mujhe karbalā ho gayā

dekhnā haal zarā ret kī dīvāroñ kā
jab chalī tez havā ek tamāshā hogā