Tags-Hawa

bahār par bhī ḳhizāñ hī kā rañg ġhālib hai
havā zamāne kī gulshan ko sāzgār nahīñ

ruḳh kā aur us kā ho gayā ik baar faisla
achchhā huā ki maan gayā haar aa.ina

mirī kahānī raqam huī hai havā ke aurāq-e-muntashir par
maiñ ḳhaak ke rañg-e-ġhair-fānī ko apnī tasvīr kar rahā huuñ

tirī bhuvāñ kī teġh jab aa.ī nazar mujhe
karnā huā zarūr miyāñ tark-e-sar mujhe

be-ḳhud huuñ is qadar ki nahīñ dil ko shauq-e-mai
us mast ki nigah kā huā hai asar mujhe

jab sīm-bar ke ġham se huā rañg juuñ talā
tab sab ne jā aziiz kiyā misl-e-zar mujhe

'hātim' huā huuñ āl-e-nabī kī panāh meñ
duniyā o diiñ ke ġham se nahīñ kuchh ḳhatar mujhe

jab rag-o-pai meñ sarāyat kar rahā thā zahr-e-habs
rauzan-e-dīvār se mujh par hañsī ThanDī havā

havā ke taḳht par agar tamām umr tū rahā
mujhe ḳhabar na ho sakī pa saath saath maiñ bhī thā

kabhī to chal ke dekho saa.e pīpaloñ ke des ke
jahāñ laḌakpanā hamāre haath se judā huā

duur tak phailā huā sahrā nazar aayā mujhe
ek zarra bhī jahāñ pahle kabhī dekhā na thā

use jakḌā huā thā zindagī ne
sirhāne maut baiThī ro rahī thī

surāġh-e-mehr-o-mohabbat kā DhūñDiyo na kahīñ
ki un kī raakh havā meñ bikher aayā maiñ

aanā bhī terā ġhazab huā is shahr kā manzar badal gayā
bhauñchāl sā aayā galī galī har chiiz idhar se udhar huī

rakhā kūcha-e-ishq meñ jis ne qadam huā hazrat-e-ishq kā jis pe karam
use aap se bhī sarokār nahīñ jo ġharaz hai to apne sanam se ġharaz

kabhī kabhī hī ḳhazāne nasīb hote haiñ
banā banāyā huā sab sadā nahīñ miltā

vo din kaise din the
havā mujh se kahtī

hai kisī tifl-e-muhājir kī tarah sahmā huā
'ḳhālid-e-irfāñ' kī shādī kā chhuārā dekhnā

jahāñ tak nazar jaa.e phailā huā

sāñsoñ kī zarb se na kaTegā hamārā habs
ham ko to ek puurā havā-ḳhāna chāhiye