Tags-Hawa

mujhe 'mohsin' is kā gila nahīñ mujhe māl-o-zar jo milā nahīñ
jo hunar suḳhan kā mujhe milā vo kahāñ sabhī ko atā huā

jis din un se milan huā thā jīvan meñ ras barsā
ab birhā ne jīvan ras meñ zahr diyā hai ghol

ḳhushk thā mausam magar barsī ghaTā jab yaad kī
dil kā murjhāyā huā ġhuncha tar-o-tāza lagā

raushnī sī kar ga.ī qurbat kisī ke jism kī
ruuh meñ khultā huā mashriq kā darvāza lagā

zehn par jis dam tirā ehsās ġhālib aa gayā
duur tak bikhrā huā lafzoñ kā shīrāza lagā

charāġhoñ ko zarā sā hausla do
havā kuchh aur qātil ho ga.ī hai

akele-pan meñ ab ik tāzgī hai
huā jaatā hai har rishta purānā

fazā meñ bikhre hue rañg jhilmilāte kyā
vahī havā thī charāġhoñ ko phir jalāte kyā

nikal ke din kī tamāzatoñ se vafā kā sūraj
huā hai ḳhuuñ kis tarah sar-e-shām kaun jaane

ik shaḳhs jo mujh se vaqt le kar
aaj aa na sakā to ḳhush huā huuñ

kal par hī rakho vafā kī bāteñ
maiñ aaj bahut bojhā huā huuñ

koī bhī nahīñ hai mujh se nādim
bas tai ye huā ki maiñ burā huuñ

kis ko ḳhabar hai un kī galī meñ kitne diloñ kā ḳhuun huā
ra.anā.ī meñ un kī galī jab vādī-e-kashmīr huī

ġhurbat kī Thokaroñ meñ jo pal kar javāñ huā
tūfāñ ke rū-ba-rū vahī chaTTān bhī to hai

'nayyar' junūn-e-shauq meñ rusvā huā to kyā
us kī alag samāj meñ pahchān bhī to hai

bū-e-gul mauj-e-havā hai aur havā kyūñkar ruke
ab ke miTTī hī kī ḳhushbū merā ghar mahkā ga.ī

ye havā aa.ī kahāñ se is se maiñ vāqif na thā
mere ghar meñ jo charāġhoñ kā dhuāñ phailā ga.ī

kal jitnā ham ne us ko manā ke banāyā thā
utnā hī aaj aur hai bigḌā huā dimāġh

uḌ rahā hai ik bagūlā aag barsātā huā
khetiyāñ sab nazr logo ho na jaa.eñ aag kī

gir ke sad paara huā abr meñ aTkā huā chāñd
sar pe chādar sī nazar aa.ī shab-e-tār mujhe