Tags-Hawa

jakḌā huā hai pichhle janam ke hisār meñ
maazī kā sāneha dil-e-'aḳhtar' pe naqsh hai

apne hone kā ab ehsās huā hai kuchh kuchh
tujh se is tishna mulāqāt se pahle kyā thā

maiñ agar chup huuñ ye bahtā huā dariyā kyā hai
lab-kushā huuñ to mirī baat se pahle kyā thā

havā meñ uḌtā hai kājal fazā hai huzn se bojhal
har ek kunj kī halchal kohar meñ Duub chalī hai

huā vo jashn ki neze buland hone lage
niyām teġh kī ḳhanjar ke saath sone lagī

sab apnī pyaas bujhāne meñ mahv the hama-tan
huā ye phir ki havā sho.ala-ḳhez hone lagī

tum nahīñ mere ab ye raaz khulā
maiñ tumhārā huuñ ab huā ma.alūm

chal ke 'sho.ala' se pūchhiye kyūñkar
jurm sābit huā sazā ma.alūm

bād-e-bahārī itnā batā de sāda-dilān-e-mausam ko
sarf-e-chaman jo ḳhuun huā hai rañg vo kab tak lā.egā

jo na huā aap se behtar huā
jo na kiyā aap ne achchhā kiyā

paḌā thā aks-e-rū-e-nāznīñ arsa huā us ko
par ab tak tairtā phirtā hai shakl-e-gul samundar meñ

kaisā ye intishār diyoñ kī safoñ meñ hai
kuchh to asar huā hai havā ke ḳhitāb kā

vaqt chaltā hai uḌātā huā lamhāt kī gard
pairahan fikr kā har roz badalte rahiye

tujhe lagī hī nahīñ ishq kī havā 'tāsīr'
vagarna tujh meñ koī aur boltā hotā

ḳhizāñ kī rut meñ gulāb lahja banā ke rakhnā kamāl ye hai
havā kī zad pe diyā jalānā jalā ke rakhnā kamāl ye hai

koī TuuTā huā rishta na dāman se ulajh jaa.e
tumhāre saath pahlī baar bāzāroñ meñ niklā huuñ

tā-kamar abr-e-mizha apnā to barsā sau baar
na huā mauj-zanāñ ta-ba-gulū paanī ek

'yakrū' huā hai paanī sun 'ābrū' kā misra.a
''rakhne ko yūsufāñ ke ik dil kī chaah bas hai''

vo ḳhud hī apnī aag meñ jal kar fanā huā
jis saa.e kī talāsh meñ ye āftāb hai

khul ga.e zaḳhmoñ ke muñh achchhā huā
dard ke baḌhne ko rasta ho gayā