Tags-Gham

ishq meñ dil-lagī sī rahtī hai
ġham bhī ho to ḳhushī sī rahtī hai

shab-e-ġham kī sahar meñ nuur kahāñ
sub.h bhī shaam hī sī rahtī hai

nashsha-e-zīst ai ma.āz-allāh
aur jab ġham sharāb ho jaa.e

kam na ho lazzat-e-hayāt agar
terā ġham be-hisāb ho jaa.e

ishq āzār kar diyā jaa.e
ġham ko bedār kar diyā jaa.e

kahāñ kā shikva-e-ġham ham to bas shukr-e-sitam karte
magar shukr-e-sitam kā bhī hai jo anjām kyā kahiye

maujoñ se kheltā huā bāhar nikal na jā
āḳhir ye kis liye ġham-e-tūfān-e-zindagī

samjhe hue the ham jise aish-o-tarab kā ghar
zindān-e-ġham banā hai vo aivān-e-zindagī

nahīñ ġham hashr kā har-chand aafat is ko kahte haiñ
phirūñ yāroñ kā muñh dekhūñ qayāmat is ko kahte haiñ

jo pūchhtā huuñ to aḳhtar-shanās kahte haiñ
ki shām-e-ġham kī sahar hai bhī aur hai bhī nahīñ

ab to had se baḌh ga.ī thiiñ apne dil kī uljhaneñ
muskurā kar aap ne ġham kā mudāvā kar diyā

phir tirā ġham vahī rusvā-e-jahāñ hai ki jo thā
phir fasāna ba-hadīs-e-digrāñ hai ki jo thā

na jaane rabt-e-masarrat hai kis qadar ġham se
ḳhabar ḳhushī ko milī bhī to chashm-e-pur-nam se

kisī kī yaad meñ kyā kyā na ham pe biit ga.ī
jahāñ ne dī thī jo fursat zarā hameñ ġham se

vo 'uzlat' ab mirā būjhegā ġham ki ārasī dekh
huā hai apnā giraftār dekhiye kyā ho

ham apnī zindagī kī har ḳhushī ko kyuuñ na ġham samjheñ
jo tere ġham kā hāsil hai usī kā naam rāhat hai

dil-e-shā.ista-e-ġham ne lagā rakkhī hai siine se
hazār un kī nazar ġhārat-gar-e-ārām-o-rāhat hai

ham ko har moḌ par dost milte rahe ham kabhī rāh-e-manzil meñ tanhā na the
kal ġham-e-dost thā ab ġham-e-zīst hai āshnā ko to ik āshnā chāhiye

tumhāre hijr meñ rahtā hai ham ko ġham miyāñ-sāhib
ḳhudā jaane jiyeñge yā mareñge ham miyāñ-sāhib

vo baat zarā sī jise kahte haiñ ġham-e-dil
samjhāne meñ ik umr guzar jaa.e hai pyāre