Tags-Gham

maiñ kyā batā.ūñ mire dil pe kyā guzartī hai
bajā ki ġham mire chehre se āshkārā nahīñ

ai ġham-e-dost tere hote hue
ġham-e-lail-o-nahār kaun kare

āḳhir ik ku-e-malāmat meñ qadam aa pahuñche
nāvak andāzoñ ke andāz meñ ġham aa pahuñche

ġham kyā agar āzād-e-musalsal hai mirī ziist
minnat-kash-e-ejāz-e-masīhā to nahīñ hai

phir aaj ik havā-e-ġham udaas dil ko kar ga.ī
ḳhayāl terī yaad kā nazar ko phir bujhā gayā

ġham kī bhaTTī meñ ba-sad-shauq utar jā.ūñgā
tap ke kundan sā maiñ ik roz nikhar jā.ūñgā

ġham uThā lūñgā jo baḳhshegā zamāna mujh ko
tere dāman ko to ḳhushiyoñ se maiñ bhar jā.ūñgā

haiñ zamīñ aur zamāñ dūd-e-charāġh-e-shab-e-ġham
mujh ko le aa.ī kahāñ gardish-e-hālāt mirī

mash.hūr bhī haiñ badnām bhī haiñ ḳhushiyoñ ke na.e paiġhām bhī haiñ
kuchh ġham ke baḌe in.aam bhī haiñ paḌhiye to kahānī kaam kī hai

zulmat-e-shab kī tarah nūr-e-shabistāñ se alag
ġham-e-daurāñ se alag ishq-e-nigārāñ se alag

umr yuuñ ham ne guzārī hai zamāne meñ 'jamīl'
na ram-e-zīst meñ shāmil na ġham-e-jāñ se alag

svād-e-ġham meñ kahīñ gosha-e-amāñ na milā
ham aise kho.e ki phir terā āstāñ na milā

ajiib daur-e-sitam hai ki dil ko muddat se
naved-e-ġham na milī muzhda-e-ziyāñ na milā

jahāñ ahl-e-ġham naqsh-e-pā chhoḌ aa.e
diloñ ke liye rahnumā chhoḌ aa.e

jis ko jiine kā zarā sā bhī nahīñ thā hausla
Dar ke ġham se mar gayā vo aadmī achchhā huā

ġham hī apnā yaar hai dil se judā hotā nahīñ
chand lamhoñ kī ḳhushī ab jā chukī achchhā huā