Tags-Gham

tū ne ġham de ke mujhe daulat-e-duniyā de dī
zindagī aisī kahāñ thī tire ġham se pahle

shukr-e-ḳhudā ki zulm se ma.azūr hai falak
bartāniya hai ḳhalq kī ġham-ḳhvār āj-kal

'parvīñ' kī ye duā hai rahe amn mulk meñ
rabb-e-ġhafūr tū hī hai ġham-ḳhvār āj-kal

nazar milā na sake ham se vo to ġham kyā hai
ki dil se dil ke dhaḌakne kā silsila to milā

koī tāsīr thī jo ġham ko bhulā detī thī
tere andar koī fankār chhupā thā pahle

ishrat-e-māzī ko rotā huuñ
ġham ke gale meñ Daal ke bāheñ

ġham chheḌtā hai sāz-e-rag-e-jāñ kabhī kabhī
hotī hai kā.enāt ġhazal-ḳhvāñ kabhī kabhī

mauj-e-ġham se hī dil bahaltā hai
ye charāġh āñdhiyoñ meñ jaltā hai

hai be-niyāz-e-shādī-o-ġham merī be-ḳhudī
ye vo chaman hai jis meñ bahār o ḳhizāñ nahīñ

dāstān-e-ġham tujhe batlā.eñ kyā
zaḳhm siine ke tujhe dikhlā.eñ kyā

mauj-e-havādis satī mujh kuuñ nahīñ ġham kabhī
kashtī-e-hastī upar bas-ki tū hai nāḳhudā

luTe jaate haiñ lekin ġham nahīñ hai
ab is aalam meñ vo aalam nahīñ hai

jo chāheñ yaar se kahīñ aġhyār ġham nahīñ
ḳhvāja ko haiñ ġhulām ke aib-o-hunar khule

chand ḳhushiyoñ ke vāste 'jāzib'
roz kitne hī ġham kamātā huuñ

mire ḳhat ko le ke ḳhushī se vo ka.ī baar chūmegī tū magar
mujhe Dar hai bhīgā vo lafz ik mire ġham kā qissa sunā na de

ġham kyā hijr aur visāl kā us ko
ishq meñ jis ko bhaTakte dekhā

nishāñ maqām kā ġham aur na rahnumā koī
ġharaz ki saḳht aziyyat adam kī raah meñ hai

shab-e-ġham muḳhtasar sī ho ga.ī hai
hayāt ab mo'atabar sī ho ga.ī hai

aa gayā to zulmat-e-ġham-e-firāq chhaT ga.ī
jo mehr-o-mah na kar sake tirā jamāl kar gayā

ai dost tere husn-e-ināyat kī ḳhair ho
ye āgahī hameñ tire ġham ke sabab milī