Tags-Gham

vo bhī kahtā thā ki us ġham kā mudāvā hī nahīñ
dil jalāne ke alāva koī chāra hī nahīñ

shu.ūr-e-ġham use dohrā.egā hazāroñ baar
ye ek raat ka.ī saal tak guzāregā

aa ga.ī āḳhir ġham-e-dil vo bhī manzil aa ga.ī
mujh ko samjhāte the jo ab un ko samjhātā huuñ maiñ

bazm-e-fikr-o-hosh ho yā mahfil-e-aish-o-nishāt
har jagah se chand nashtar chand ġham laatā huuñ maiñ

apne miTne kā bhī ġham hotā hai is ehsās se
maiñ nahīñ apnā magar terā to kahlātā huuñ maiñ

ātish-e-ġham ke sail-e-ravāñ meñ nīndeñ jal kar raakh huiiñ
patthar ban kar dekh rahā huuñ aatī jaatī rātoñ ko

zāhid se pūchhiye ġham-e-duniyā kī azmateñ
uqbā na mil sakī ġham-e-duniyā kiye baġhair

maiñ vo ma.anī-e-ġham-e-ishq huuñ jise harf harf likhā gayā
kabhī āñsuoñ kī bayāz meñ kabhī dil se le ke kitāb tak

ġham us ko hasrat-e-parvāna kā hai ai sho.ale
tire larazne se zāhir hai nā-tavānī-e-sham.a

nashāt-e-dāġh-e-ġham-e-ishq kī bahār na pūchh
shaguftagī hai shahīd-e-gul-e-ḳhizānī-e-sham.a

hayāt dī to use ġham kā silsila bhī kiyā
qazā ke saath qadar ko mirī sazā bhī kiyā

ham tire ġham ko jo purkār banā kar uTThe
nafas-e-garm ko talvār banā kar uTThe

ġham-e-paiham ne kabhī fursat-e-ehsās na dī
kyā javānī thī ki jī-bhar ke maiñ ro bhī na sakā

koī miltā hī nahīñ us ko suḳhan kā mauzūa
baiThī rahtī hai mere paas shab-e-ġham chup-chāp

us umr kā ġham sahne diije
ab apnī ujḌī āñkhoñ meñ

maut ilāj-e-ġham to hai maut kā aanā sahl nahīñ
jaan se jaanā sahl sahī jaan kā jaanā sahl nahīñ

ġham ke khāne vāloñ ko khā jāatā hai ġham āḳhir
ġham kā khānā mushkil hai ġham kā khānā sahl nahīñ

kaash vo marīz-e-ġham ye bhī dekhtā aalam
chāragar ye kyā guzrī dard jab davā niklā

mire haath bhī zaḳhm-e-dil kī tarah maiñ TuuT gayā sāhil kī tarah
ai dard-e-ġham-e-hijrāñ tū ne kyā mujh ko diyā kyā chhīn liyā

dām-e-ġham-e-hayāt meñ uljhā ga.ī umiid
ham ye samajh rahe the ki ehsān kar ga.ī