Tags-Gham

merā ġham mo'atabar thā
takalluf kī qabā noch kar jis ne

tire hī ġham ne kisī samt dekhne na diyā
ki ab hujūm-e-tamannā bhī tañg-dast lage

'jālib' ġham-e-daurāñ ho ki yād-e-ruḳh-e-jānāñ
tanhā mujhe rahne deñ mire dil se sabhī jaa.eñ

mere sāz-e-ġham se duniyā hī nahīñ hai muztarib
vus.at-e-kaun-o-makāñ bhī sogvār-e-naġhma hai

masarrat ke pujārī tujh ko ye ishrat mubārak ho
ye duniyā hai masarrat ko yahāñ par ġham bhī kahte haiñ

ik tirā ġham thā ba-har-rañg jo shādāb rahā
is shajar ne na girāyā koī pattā apnā

ai ġham-e-ḳhāk-shuda jaag ba-rañg-e-ash.ār
terī miTTī meñ milātā huuñ maiñ sonā apnā

zabān band hai ye josh-e-ġham kā aalam hai
bayān ho nahīñ saktā hai mājrā-e-firāq

dil to barsātā hai har roz hī ġham ke sāvan
phir bhī bujhte nahīñ yādoñ ke sulagte īñdhan

dil-e-hazīñ ko shab-e-ġham bahut fareb diye
na aa.ī niiñd magar tere intizār ke ba.ad

justujū ab hai masarrat kī na to ġham kī talāsh
be-hisī mujh ko kahāñ le ke chalī aa.ī hai

vo maañ ho bahan biivī yā ki beTī ho suno logo
har ik kirdār meñ rakkhā gayā ġham-ḳhvār aurat ko

tire farq-e-nāz pe taaj hai mire dosh-e-ġham pe galīm hai
tirī dāstāñ bhī aziim hai mirī dāstāñ bhī aziim hai

ghabrā.ī kyuuñ baiThī hai ab ġham-ḳhvāroñ ke narġhe meñ
le aa.ī hai mahfil meñ jab tū apnī tanhā.ī ko

āb-e-hayāt se bhī na hogā ilāj-e-ġham
hoñge ye taaza ġham na sharāb-e-kuhan se duur

dil ho gayā hai ġham se tire dāġhdār ḳhuub
phūlā hai kyā hī josh se ye lāla-zār ḳhuub

dil-jaloñ ko satāne aa.e haiñ
ġham-zadoñ ko rulāne aa.e haiñ

koī ilāj-e-ġham-e-zindagī batā vaa.iz
sune hue jo fasāne haiñ phir sunā na mujhe

jo likkhe vo ḳhvāb mire ab āñkhoñ āñkhoñ zinda haiñ
jo ab tak nahīñ likh paayā maiñ un ḳhvāboñ ke ġham meñ huuñ

rakhtā hai talḳh-kām ġham-e-lazzat-e-jahāñ
kyā kījiye ki lutf nahīñ kuchh gunāh kā