Tags-Gham

ġham kī shīrīñ talḳhiyāñ jiine kā sāmāñ ho ga.iiñ
bijliyāñ ḳhūn-e-rag-e-jān-e-gulistāñ ho ga.iiñ

rūh-e-ġham rūh-e-tarab rūh-e-ajal rūh-e-hayāt
jab ye bāham mil ga.iiñ taqdīr-e-insāñ ho ga.iiñ

chhaT ga.iiñ 'ra.anā' ḳhunuk aahoñ se ġham kī zulmateñ
badliyāñ ThanDī havāoñ se pareshāñ ho ga.iiñ

jo sakūñ na raas aayā to maiñ ġham meñ Dhal rahā huuñ
ġham-e-zindagī se kah do ki maiñ ruḳh badal rahā huuñ

maiñ banā huuñ ashk-e-ġham ḳhud tumheñ kyuuñ maiñ khal rahā huuñ
ye nikālo merā qissa ki maiñ ḳhud nikal rahā huuñ

vahī azm-e-mustaqil hai rah-e-zindagī meñ 'aḳhtar'
na ġham-e-shikasta-pā.ī na maiñ haath mal rahā huuñ

na aa.e maut ḳhudāyā tabāh-hālī meñ
ye naam hogā ġham-e-rozgār sah na sakā

vo kyā ḳhushī thī ki barbād kar ga.ī sab kuchh
vo kaisā ġham thā ki jis se sañvar ga.e the ham

man.a hai bas ki ḳhur-o-ḳhvāb hameñ ġham meñ tere
mar ke sone na diyā zahr bhī khāne na diyā

ġham rahā hai haal kahnā dil kā us but se 'munīr'
jis ke ġham meñ apne dil kā haal aisā ho gayā

ġham kā pahāḌ mom ke jaise pighal gayā
ik aag le ke ashkoñ kī sūrat nikal gayā

ab to palkoñ pe sitāre se laraz uThte haiñ
ġham-e-mahbūb kī ye baat kahāñ thī pahle

ġhairoñ kā to kahnā kyā mahram se nahīñ kahtā
maiñ ālam-e-ġham apnā aalam se nahīñ kahtā

mubtalā ḳhud ko kisī ġham meñ musalsal rakhnā
aur us ġham ko tirī aañkh se ojhal rakhnā

dekhnā maañd na paḌ jaa.eñ ġham-e-hijr meñ ye
tum shab-e-vasl kā in āñkhoñ meñ kājal rakhnā

ik zarā baat se is jaan pe ban aatī thī
raas aayā bhī to ġham se ise bojhal rakhnā

aisā lagnā ki ye āñkheñ to barastī hī nahīñ
sail-e-ġham se magar andar koī jal-thal rakhnā

banda-parvar ġham-e-furqat kā asar dekh liyā
dāġh-e-dil dekh liyā dāġh-e-jigar dekh liyā

ġham agarche jāñ-gusil hai pa kahāñ bacheñ ki dil hai
ġham-e-ishq gar na hotā ġham-e-rozgār hotā

maanā ki har tarah hai taġhayyur se be-niyāz
lekin vo hāl-e-ġham se to kuchh āshnā rahe