Tags-Gham

'amīr' pūchh rahā huuñ ġham-e-zamāna se
hamāre ghar meñ tujhe kyā dikhā.ī detā hai

chāñd vīrān hai sadiyoñ se mire dil kī tarah
zindagī ġham hai ḳhalā meñ mirī manzil kī tarah

tire ġham se dil phir amiir ho koī chāñd nikle safīr ho
shab-e-dasht ho hai ye zindagī na nasheb hai na farāz hai

ab dil meñ sar-e-shām charāġhāñ nahīñ hotā
sho.ala tire ġham kā kahīñ bujhne na lagā ho

ai sāqi-e-mah-vash ġham-e-daurāñ nahīñ uThtā
darvesh ke hujre se ye mehmāñ nahīñ uThtā

dāman jhaTak ke vādī-e-ġham se guzar gayā
uTh uTh ke dekhtī rahī gard-e-safar mujhe

chashm-e-be-aib meñ us kā hī sarāpā kyuuñ thā
jis kā ġham hadd-e-tamannā meñ samāyā huā hai

āsūda-e-ġham hai koī rut ho
vo shāḳh jo be-samar rahī hai

niiñd jaatī hī nahīñ arz-e-hunar se aage
daftar-e-ġham hī sadā kar ke raqam uThte haiñ

gul ko bhī hī kuchh ġham-e-nihāñ ne
ġhunche kī chaTak nahīñ fuġhāñ hai

mire zehn-o-dil kī basīrateñ ġham-e-zindagī kī haqīqateñ
mire lab pe giit nahīñ haiñ vo ki jo pāyaloñ meñ chhanak ga.e

vo to nahīñ milā hai sāñsoñ jiye to kyā hai
dil ab bhī pyaas par hai ġham pī liye to kyā hai

haa.e kis moḌ pe aayā hai ab afsāna-e-ġham
mere afsāna-nigāroñ ko hañsī aatī hai

is se baḌh kar aur kyā tāsīr ġham kī chāhiye
dil kī aahoñ se jigar kī choT chhil jaatī to hai

soz-e-ġham se jab bahut jaltā hai dil apnā 'jigar'
ruuh kī manzil meñ kuchh kuchh raushnī aatī to hai

log ham aise nā-dānoñ ko ā.eñge samjhāne bhī
terā ġham phir terā ġham hai ġham hai to ġham-ḳhvār bahut

sūrat-e-gard-e-kārvāñ hai ġham-e-manzil-e-jahāñ
ḳhvāb-e-junūn-e-tāza-kār chāhiye raah ke liye

yūñhī kaaTī hai zindagī tanhā
ġham ho chāhe ki ho ḳhushī tanhā

pajāmoñ ke design ko badal Daalā to kyā ġham hai
hamārī bīviyoñ ke to ġharāre ek jaise haiñ

haa.e laayā na koī qāsid-e-dilbar kāġhaz
ho gayā ġham se hamārā tan-e-lāġhar kāġhaz