Tags-Fasla

vo nahīñ miltā mujhe is kā gilā apnī jagah
us ke mere darmiyāñ kā fāsla apnī jagah

baġhal meñ the hamāre ghar to lekin
galī kā fāsla thā yaad hogā

kisī se mil ke bichhaḌnā baḌī aziyyat hai
to kyā maiñ ahd-e-tamanā kā fāsla ho jā.ūñ

tere jaane meñ aur aane meñ
ham ne sadiyoñ kā fāsla dekhā

fāsla dil kā hai duniyā se mahz ik farsañg
aur hameñ bas usī farsañg se Dar lagtā hai

mere junūñ ko vasl kī qurbat nigal ga.ī
furqat se itnā fāsla achchhā nahīñ lagā

ye kyā ki pahle qarīb honā banā ke chalnā hai fāsla phir
ki dasht-e-qurbat meñ ḳhud hī khonā talāsh karnā hai rāstā phir

kisī dariyā kī sūrat bah rahī huuñ apne andar maiñ
mirā sāhil baḌhātā jā rahā hai fāsla apnā

ye saarā fāsla dil kā hai varna
miyān-e-dasht-o-dar kuchh bhī nahīñ hai

ai sub.h-e-umīd der kyā hai
ab kitne diyoñ kā fāsla hai

ab ke sochā hai ye dastūr nirālā rakkhūñ
tum qarīb aao to maiñ fāsla thoḌā rakkhūñ

har hasīñ manzar se yaaro fāsle qaa.im rakho
chāñd gar dhartī pe utrā dekh kar Dar jāoge

had se baḌh kar mohabbat munāsib nahīñ is meñ andesha-e-bad-gumānī bhī hai
dushmanoñ se ta.alluq to hai hī ġhalat dostoñ meñ bhī kuchh fāsla chāhiye

piyo piyo ki subūhī se fāsla na rahe
numūd-e-sub.h kī taqrīb meñ azaañ hogī

zarā sī narm-ravī se pahuñch ga.e dil tak
tanāv thā to samajhte the fāsla hai bahut

rāsta hai ki kaTtā jaatā hai
fāsla hai ki kam nahīñ hotā

kaun se din haath meñ aayā mire dāmān-e-yār
kab zamīn-o-āsmāñ kā fāsla jaatā rahā

har fāsla hai jalva-gah-e-mauj-e-ittisāl
ya.anī jabīn-e-shauq kahīñ sañg-e-dar kahīñ

apne ehsās meñ utaar use
qurb kā lutf fāsla degā

kitne nazdīk aa ga.e haiñ vo
kis qadar un se fāsla hai abhī