Tags-Dil

vo bevafā mujhe dil se nikāl kar dekhe
maiñ us ke zehn meñ taḌpūñ sadā sharar kī tarah

ek be-manzar udāsī chār-sū āñkhoñ meñ hai
jitnā baaqī hai mire dil kā lahū āñkhoñ meñ hai

ai dil-e-hijr-zada mujh ko na rusvā karnā
sharm thoḌī sī abhī lahja-e-bebāk meñ hai

zamām-e-rāhila-e-dil ḳhirad ke haath meñ do
ki mārtī hai havas is navāh meñ shab-ḳhūñ

merā bhī haal un dinoñ kuchh thā ajiib sā
us kā bhī dil kisī ne dukhāyā thā un dinoñ

phir hai dil-e-nādāñ ko kisī ġham kī zarūrat
ḳhushiyoñ ne to jaise mujhe bīmār kiyā hai

ḳhuuñ ho ke agarche dil-e-sad-chāk bhī Tapkā
hāthoñ meñ va-lekin rag-e-ehsās na aa.ī

tū ne jab bhī aañkh milā.ī
dīda-o-dil par aafat aa.ī

pyaar kā dil ne naġhma sunāyā
jab zabāñ par tirā naam aayā

dil ne be-sāḳhta ye pukārā tū bhulāne ke qābil nahīñ hai
chāchā nehru tumhārī mohabbat bhuul jaane ke qābil nahīñ hai

ik din kī baat ho to use bhuul jaa.eñ ham
nāzil hoñ dil pe roz balā.eñ to kyā kareñ

va.ade ke e'tibār meñ taskīn-e-dil to hai
ab phir vahī fareb na khā.eñ to kyā kareñ

mujh ko na dil pasand na vo bevafā pasand
donoñ haiñ ḳhud-ġharaz mujhe donoñ haiñ nā-pasand

na vo ayyār mujh se pūchhtā hai
na dil kī baat aatī hai zabāñ tak

un se karam kī rakh ummīd un kī atā se pyaar kar
ai dil-e-mubtalā-e-ġham ġham ko bhī ḳhush-gavār kar

dil meñ jo mere zaḳhm meñ un kā na ab shumār kar
sīna-e-dāġh-dār ko aur bhī dāġh-dār kar

dard-e-hayāt dard-e-dil dard-e-firāq dard-e-ġham
ye haiñ matā-e-lā-zavāl in se 'azīz' pyaar kar

but-ḳhāne se dil apne uThā.e na ga.e
ka.abe kī taraf mizāj laa.e na ga.e

tumhī ne ā.ina-e-dil mirā banāyā thā
tumhī ne toḌ diyā hai to koī baat nahīñ

'sājid' tū phir se ḳhāna-e-dil meñ talāsh kar
mumkin hai koī yaad purānī nikal paḌe