Tags-Dil

jab pahle-pahal ehsās huā hai ġham kā to dil aisā kāñpā
jaise ki dulhan pahlī shab kī aahaT jo mile tharrā jaa.e

ik aas jo dil kī TuuT ga.ī phir dil kī ḳhushī baaqī na rahī
jaise ki añdhere ghar kā diyā gul ho to añdherā chhā jaa.e

dil hai ki 'nushūr' ik baajā hai siine ke andar tāroñ kā
jab choT paḌe jhankār uThe jab Thes lage tharrā jaa.e

ye zaḳhm-e-dil-e-zār to bhar jā.egā ik din
lekin tire māthe kī shikan yaad rahegī

na kam hoñ sikka-e-dāġh-e-dil-e-yagāna-e-ishq
bharā paḌā rahe yārab sadā ḳhazāna-e-ishq

mudām dil meñ rahe dāġh-e-ulfat-e-sāqī
na be-charāġh ho yārab sharāb-ḳhāna-e-ishq

har ek gaam pe dil pīstā hai ablaq-e-chashm
magar hai surme kā dumbāla tāziyāna-e-ishq

ho ḳhāna-e-sadaf-e-dil na kis tarah pur-nūr
ki aap hai guhar-e-shab-charāġh dāna-e-ishq

ye sach masal hai buto sab kā hai ḳhudā razzāq
nasīb-e-tā.ir-e-dil hai azal se dāna-e-ishq

jo ḳhaal ban ke ḳhat-e-ruḳh meñ dil rahe merā
kahūñ maiñ ḳhirman-e-mah meñ milā ye dāna-e-ishq

kisī ke abrū-e-pur-ḳham kā dhyān rahtā hai
hamārā ka.aba-e-dil hai siyāh-ḳhāna-e-ishq

sadā-e-mātam-e-dil sun ke ḳhush vo hote haiñ
navā-e-sīna-zanī hai ki shādiyāna-e-ishq

hai mere dil kī tarah is se ye pareshāñ-hāl
milā hai zulf ko husn-e-siyāh-ḳhāna-e-ishq

ḳhudā kā ghar ho jo TuuTe jihād-e-nafs se dil
ḳharāb ho to bane lā-makāñ ye ḳhāna-e-ishq

vo dil lagā ke suneñ dāstān kī sūrat
bayān kījiye us husn se fasāna-e-ishq

'vazīr' tuḳhm-e-mohabbat ko dil meñ bo apne
zamīñ vo shor hai jis meñ uge na dāna-e-ishq

udhar chuTkī vo dil meñ le rahe haiñ
idhar ik gudgudī sī ho rahī hai

tum apne shikve kī bāteñ na khod khod ke pūchho
hazar karo mire dil se ki is meñ aag dabī hai

huā visāl se shauq-e-dil-e-harīs ziyāda
lab-e-qadah pe kaf-e-bāda josh-e-tishna-labī hai

ḳhushā vo dil ki sarāpā tilism-e-be-ḳhabarī ho
junūn o yaas o alam rizq-e-mudda.ā-talabī hai