Tags-Dil

ḳhūn-e-dil se dar-e-mai-ḳhāna par
terī tasvīr banā dī ham ne

dil ko aane lagā basne kā ḳhayāl
aag jab ghar ko lagā dī ham ne

safar kī hasrateñ niklīñ bahut mirī yārab
magar jo dil meñ the armān vo kahāñ nikle

likhe hue alfāz meñ tāsīr nahīñ hai
dil par jo kisī ishq kī tahrīr nahīñ hai

duniyā meñ vafā DhūñDne nikle the nadārat
ik bojh hai dil par mire shahtīr nahīñ hai

ai mire badmast mat kar tū ġhazāloñ kā shikār
le na mere dil ko chakh ye zor hī biryān hai

ek bosa mach-machā kar biich se hoñToñ ke de
phir agar dil tujh se māñgūñ jaan bhī nādān hai

talvār ke saa.e hī meñ kaaTe hai to ai 'mīr'
kis dil-zada ko hue hai ye zauq fanā kā

javāb soch ke vo dil meñ muskurāte haiñ
abhī zabān pe merī savāl bhī to na thā

nahīñ tirī raah rāh-e-mushkil hai rahbar-e-rāh ḳhud tirā dil
tire qadam meñ hai terī manzil tavīl be-shak safar hai pyāre

tire hī dil meñ hai jalva-farmā butoñ kī sūrat ḳhudā kā jaadū
yahī hai dair aur yahī hai ka.aba yahī mohabbat kā ghar hai pyāre

ḳhudā ne ḳhud ko ba-zāhir chhupā ke rakkhā hai
hamāre dil ko na jaane kidhar se joḌā hai

tamām lazzateñ duniyā ke dil meñ rakkhī haiñ
ḳhudā ne sukh ko magar apne ghar se joḌā hai

vahāñ kaise koī diyā jale jahāñ duur tak ye havā na ho
unheñ hāl-e-dil na sunā.iye jinheñ dard-e-dil kā pata na ho

raah ke jis ne ḳhaar chune the
dil se us kī aaj huī huuñ

is baaġh meñ hai bād-e-ḳhizāñ o bād-e-qaht
har gul ke dil meñ hai ḳhalish-e-ḳhār āj-kal

yārab hamāre dil ko tū apnī panāh de
dildār ho ga.e haiñ dil-āzār āj-kal

ik jurm aur fard-e-jarā.em meñ baḌh gayā
ya.anī na dard-e-dil kā ho iz.hār āj-kal