Tags-Dil

sarāb-e-dil se musalsal fareb khā rahā huuñ
maiñ ek umr se apne ḳhilāf jā rahā huuñ

tilism-e-lafz-o-ma.ānī ke pher meñ phañs kar
ba-shakl-e-nazm-o-ġhazal ḳhūn-e-dil bahā rahā huuñ

biit gayā hai pyaar kā mausam ghar ghar sahrā jaisā hai
dil ke darvāze par ab to ḳhāmoshī kā pahrā hai

saat samundar paar jo aa kar dasht-e-fazā ko dekhā hai
ret kā manzar āñkhoñ meñ hai dil meñ ḳhauf kā dariyā hai

niim nigah par dete haiñ dil ko jaano to kuchh le lo sāhab
phir na milegā varna tum ko hargiz aisā sastā saudā

kyuuñ na chhake dil dekh ke us ko jis saaqī kā hove yaaro
dast-e-nigārīñ panja-e-marjāñ sā.ad-e-sīmīñ gardan-e-mīnā

ḳhāmoshiyoñ kī aag meñ jaltā hai mai-kada
dil-dādgān-e-sho.ala-ruḳhāñ kuchh na kuchh to ho

hogā ai dost yaqīnan vo mire dil kī tarah
jo diyā ruḳh pe havāoñ ke bhī jaltā hogā

vo jin ke qurb se Dhāras thī mere dil ko bahut
koī kahīñ se unheñ DhūñD laa.e āḳhir-e-shab

vo terī yaad ke mehmān ho ga.e ruḳhsat
ujaḌ ga.ī mire dil kī sarā.e āḳhir-e-shab

dil-e-īzā-talab le terā kahnā kar liyā maiñ ne
kisī ke hijr meñ jiinā gavārā kar liyā maiñ ne

kisī ke ek dard-e-bandagī se kyā milī fursat
ki dil meñ sau tarah kā dard paidā kar liyā maiñ ne

samundar ke kināre sīpiyoñ se
kisī ne dil likhā thā yaad hogā

chhup ke nazroñ se in āñkhoñ kī farāmosh kī raah
ab jo aatā hai kabhī dil meñ to vo gosh kī raah

Das ga.iiñ haa.e mire dil ke ta.iiñ aaj 'baqā'
nāgineñ zulf kī us sar se utar dosh kī raah

yā-rab ye maqām-e-ishq hai kyā go dīda-o-dil nākām nahīñ
taskīn hai aur taskīn nahīñ ārām hai aur ārām nahīñ

kyuuñ mast-e-sharāb-e-aish-o-tarab taklīf-e-tavajjoh farmā.eñ
āvāz-e-shikast-e-dil hī to hai āvāz-e-shikast-e-jām nahīñ

ishq aur gavārā ḳhud kar le be-shart shikast-e-fāsh apnī
dil kī bhī kuchh un ke sāzish hai tanhā ye nazar kā kaam nahīñ

shab sham.a par patañg ke aane ko ishq hai
us dil-jale ke taab ke laane ko ishq hai

vādiyoñ meñ gaah utrā aur kabhī parbat chaḌhā
bojh sā ik dil pe rakkhā hai jise Dhotā rahā