Tags-Dil

hai turfa jān-o-dil kā dam-e-iztirāb haal
rokeñ jo ek ko to gurezāñ hai dūsrā

vo ruk ke uTh chalā to use kyūñki rokiye
ik dast hai ba-dil ba-garebāñ hai dūsrā

kyā dil jigar kī us kī galī meñ kaheñ ḳhabar
ik mar gayā ik aan kā mehmāñ hai dūsrā

rahiye hamāre dil meñ ki laa.eq tumhāre kab
aisā makāñ ba-kishvar-e-daurāñ hai dūsrā

Tuk suniyo zamzame mire dil ke ki baaġh meñ
kab is tarah kā murġh-e-ḳhush-alhāñ hai dūsrā

kaun jaa.e hadaf-e-tīr-e-nazar hone ko
sabr se kaam agar ai dil-e-nākām chale

ġham baḌhne de ai dil aur zarā jāñch aah kī be-tāsīr na kar
hai ḳhvāb adhūrā aap abhī be-samjhe ġhalat ta.abīr na kar

ulfat ke ahd-e-mohkam meñ buude kāġhaz kī zamānat kyā
ye dil se dil kī bāteñ haiñ rakh yaad faqat tahrīr na kar

har dil hai hayāt kā sarmāya har dil meñ josh mohabbat kā
tū 'ārzū' aur kahegā kyā bas rahne bhī de taqrīr na kar

sañg-zanī o ta.ana-zanī is daur kā sheva hai yaaro
apne dil meñ khoT nahīñ jab duniyā se ghabrānā kyā

mere dil ko toḌ ke āḳhir kyā khoyā kyā paayā hai
shahr-e-sanam meñ rahne vaalo shīshe se Takrānā kyā

bastī bastī parbat parbat vahshat kī hai dhuup 'ziyā'
chāroñ jānib vīrānī hai dil kā ik vīrāna kyā

shāḳh-e-ġham pe khil uTThe phuul kuchh umīdoñ ke
'sham.a' qarya-e-dil meñ ḳhvāhishoñ kā mausam hai

dil meñ uThā kar rakh letā huuñ
paañv meñ jo kāñTā chubhtā hai

dil TuuT gayā to kyā 'karāmat'
paiġhām-e-visāl de rahā huuñ

chashm-e-mast-e-siyah kī yaad mudām
shīsha-e-dil meñ hai sharāb kī tarah

saaf dil hai to aa kudūrat chhoḌ
mil har ik rañg biich aab kī tarah

chaak kī ḳhvāhish agar vahshat ba-uryānī kare
sub.h ke mānind zaḳhm-e-dil garebānī kare

jalve kā tere vo aalam hai ki gar kiije ḳhayāl
dīda-e-dil ko ziyārat-gāh-e-hairānī kare

hai shikastan se bhī dil naumīd yā rab kab talak
ābgīna koh par arz-e-girāñ-jānī kare